SP0290010: vyaasa uvaaca|
SP0290011: eva.m kaalena sampraapya vaaraa.nasyaa.m niketanam|
SP0290012: jagata.h pitarau devau cakratu.h kimata.h param||1
SP0290020: sanatkumaara uvaaca|
SP0290021: tata.h sa bhagavaandevo devii.m himavata.h sutaam|
SP0290022: uvaaca devi pa"syaama udyaana.m yadi rocate||2
SP0290030: devyuvaaca|
SP0290031: eva.m bhavatu deve"sa yathaattha tva.m v.r.sadhvaja|
SP0290032: na hi me .anyatra gantavyamudyaanaatparato hara||3
SP0290040: sanatkumaara uvaaca|
SP0290041: saha devyaa tato vyaasa vaaraa.nasyaa.m v.r.sadhvaja.h|
SP0290042: devodyaanadid.rk.saartha.m vicacaara samantata.h||4
SP0290051: puurvasminsa di"saabhaage devyaa deva.h pinaakadh.rk|
SP0290052: udyaana.m dar"sayaamaasa naanaakusuma"sobhitam||5
SP0290061: campakaa"sokapu.mnaagapriya"nguucuutasa.mkulam|
SP0290062: bilvaarjunakadambai"sca nyagrodhodumbarairapi||6
SP0290071: gandhavadbhi"sca kusumairjaatiikesaraketakai.h|
SP0290072: ramyai.h surabhipu.spai"sca .sa.tpadavraatasevitai.h|
SP0290073: sa.myukta.m sarvata.h "sriimadvana.m vaibhraajasa.mnibham||7
SP0290081: sa tadudyaanamaasaadya deviimaaha jagatpati.h|
SP0290082: asminde"se puraa devi ti.s.thato mama "sobhane||8
SP0290091: uurdhva.m golokasa.msthaanaa.m gavaa.m vatsai.h svaya.mbhuvai.h|
SP0290092: piiyatiinaa.m payo vegaatphena.m muurdhni samaapatat||9
SP0290101: tato mayordhva.m d.r.s.taastu gaavastaa.h somapaar"svagaa.h|
SP0290102: tatastaa.h prek.sitaastatra mayaa gaavastadaabhavan|
SP0290103: tejasaa dahyamaanaastu naikavar.naa bh.r"saarditaa.h||10
SP0290111: gaava.h puurvamimaa devi aasankapilavar.najaa.h|
SP0290112: naikavar.naastadaabhuuvanyadaa samprek.sitaa mayaa||11
SP0290121: taasaa.m "sara.nyataa.m yaatvaa taabhirmaameva "sailaje|
SP0290122: aa"srita.h soma aagatya saha gobhirna taastyajat||12
SP0290131: arditaabhistadaa gobhirbrahmaa maamabraviittata.h|
SP0290132: prasaada.m kuru deve"sa surabhiistejasaa tava|
SP0290133: na na"syanti yathaa sadyastathaa sarvasuraarcita||13
SP0290141: tato .ahamaasthito devi sthaane .asminsvayameva tu|
SP0290142: goprek.saka iti khyaata.h sa.mstuta.h sarvadevatai.h||14
SP0290151: goprek.se"svaramaagatya d.r.s.tvaa caarcya ca maanava.h|
SP0290152: na durgatimavaapnoti kalma.sai"sca vimucyate||15
SP0290161: tatastaa dahyamaanaastu prasanne surabhiirmayi|
SP0290162: hrade .asminpeturabhyetya "saantaastaa vibabhustadaa|
SP0290163: kapilaahrada ityeva.m tadaaprabh.rti kathyate||16
SP0290171: atraapi svayamevaaha.m v.r.sadhvaja iti "sruta.h|
SP0290172: saa.mnidhya.m k.rtavaandevi sa caaya.m d.r"syataa.m sthita.h||17
SP0290181: kapilaahradatiirthe .asminsnaatvaa naanyamanaa nara.h |
SP0290182: v.r.sadhvajamima.m d.r.s.tvaa sarvayaj~naphala.m labhet||18
SP0290191: salokataa.m m.rta"scaapi arcayitvaa tu maamiha|
SP0290192: labhate dehabhede tu ga.natva.m caatidurlabham||19
SP0290201: asminnapi prade"se tu taa gaavo brahma.naa svayam|
SP0290202: "saantyartha.m sarvalokaanaa.m sarvaa dugdhaa.h payom.rtam||20
SP0290211: taasaa.m k.siire.na sa.mjaata.m hradametanmanoharam|
SP0290212: bhadradohamiti khyaata.m pu.nya.m devavana.m "subham||21
SP0290221: sarvairdevairaha.m devi asminde"se prasaadita.h|
SP0290222: gacchopa"samamii"seti upa"saanta"sivastata.h||22
SP0290231: sthito bhuutvaahamatrastha.h pu.nyamasyaapi dar"sanam|
SP0290232: d.r.s.tvaina.m prayato martya.h svargalokamavaapnuyaat||23
SP0290241: atraaha.m brahma.naaniiya sthaapita.h parame.s.thinaa|
SP0290242: brahma.na"scaapi sa.mg.rhya vi.s.nunaa sthaapita.h puna.h||24
SP0290251: brahma.naa sa tato vi.s.nu.h prokta.h sa.mvignacetasaa|
SP0290252: mayaaniitamida.m li"nga.m kasmaatsthaapitavaanasi||25
SP0290261: tamuvaaca punarvi.s.nurbrahmaa.na.m kupitaananam|
SP0290262: rudradeve mamaatyanta.m puraa bhaktirmahattaraa||26
SP0290271: mayai.sa sthaapitastena naamnaa tava bhavi.syati|
SP0290272: hira.nyagarbha ityeva.m tato .atraaha.m samaasthita.h|
SP0290273: d.r.s.tvainamapi deve"sa.m mama loka.m vrajennara.h||27
SP0290281: puna"scaapi tato brahmaa mama li"ngamima.m "subhe|
SP0290282: sthaapayaamaasa vidhivadbhaktyaa paramayaa yuta.h|
SP0290283: svarliine"svara ityevamatraaha.m svayamaasthita.h||28
SP0290291: svasminparatare liina.h pradhaane mama kaara.ne|
SP0290292: tasmaatsvarliina ityeva.m guhya.m k.setra.m mama sm.rtam||29
SP0290301: praa.naaniha narastyaktvaa na punarjaayate kvacit|
SP0290302: aanantyaa saa gatistasya yoginaa.m caiva saa sm.rtaa||30
SP0290311: asminnapi mayaa de"se daityo devataka.n.taka.h|
SP0290312: vyaaghraruupa.m samaasthaaya nihato darpito balii||31
SP0290321: vyaaghre"svarastata.h khyaato nityamatraahamaasthita.h|
SP0290322: na punardurgati.m yaati d.r.s.tvainamamare"svaram||32
SP0290331: utpalo vidala"scaiva yau daityau brahma.naa puraa|
SP0290332: striivadhyau darpitau s.r.s.tau tvayaiva nihatau "subhe|
SP0290333: saavaj~na.m gendukenaatra tasyeda.m cihnamaasthitam||33
SP0290341: aadaavatraahamaagatya aasthito ga.napai.h saha|
SP0290342: jye.s.tha.m sthaanamida.m tasmaadetanme pu.nyadar"sanam||34
SP0290351: d.r.s.tvema.m mama li"nga.m tu jye.s.thasthaanasamaa"sritam|
SP0290352: na "socati punarmartya.h sa.msiddho m.rtyujanmanii||35
SP0290361: samantaaddevatai.h sarvairli"ngaani sthaapitaani ha|
SP0290362: d.r.s.tvaa tu niyato martyo dehabhede ga.no bhavet||36
SP0290371: idaaniimahamaagatya svayamasminvyavasthita.h|
SP0290372: na ca mukta.m mayaa yasmaadavimuktamida.m tata.h|
SP0290373: k.setra.m vaaraa.nasii pu.nyaa muktida.m sambhavi.syati||37
SP0290381: avimukte"svara.m maa.m vai yo .atra drak.syati maanava.h|
SP0290382: gaa.napatyaa gatistasya yatra tatra m.rtasya ha|
SP0290383: praa.naaniha tu sa.mnyasya yaasyate muktimuttamaam||38
SP0290391: pitraa te giriraajena puraa himavataa svayam|
SP0290392: mama priyamida.m sthaana.m j~naatvaa li"nga.m prati.s.thitam||39
SP0290401: "saile"svaramiti khyaata.m d.r"syataamidamaasthitam|
SP0290402: d.r.s.tveda.m manujo devi na durgatimanuvrajet||40
SP0290411: nadii vaaraa.nasii ceya.m pu.nyaa paapapramocanii|
SP0290412: k.setrametadala.mk.rtya jaahnavyaa saha sa.mgataa||41
SP0290421: sthaapita.m sa.mgame caasminbrahma.naa li"ngamuttamam|
SP0290422: sa.mgame"svaramityeva.m khyaata.m jagati d.r"syataam||42
SP0290431: sa.mgame devanadyostu ya.h snaatvaa manuja.h "suci.h|
SP0290432: arcayetsa.mgame"saana.m tasya janmabhaya.m kuta.h||43
SP0290441: idamanyanmahatk.setra.m nivaasa.m yoginaa.m param|
SP0290442: k.setramadhye ca yatraaha.m svaya.m bhuutvaa samaasthita.h|
SP0290443: madhyame"svara ityeva.m khyaata.h sarvasuraasurai.h||44
SP0290451: siddhaanaa.m sthaanametaddhi madiiyavratacaari.naam|
SP0290452: yoginaa.m mok.salipsuunaa.m janmam.rtyujitaatmanaam|
SP0290453: d.r.s.tveda.m madhyame"saana.m janma prati na "socati||45
SP0290461: sthaapita.m li"ngametacca "sukre.na tava suununaa|
SP0290462: naamnaa "sukre"svara.m naama sarvasiddhaamaraarcitam||46
SP0290471: d.r.s.tveda.m maanava.h sadyo mukta.h syaatsarvakilbi.sai.h|
SP0290472: m.rta"sca na punarjanma sa.msaare tu labhennara.h||47
SP0290481: puraa jambukaruupe.na asuraa devaka.n.takaa.h|
SP0290482: brahma.no .atha vara.m labdhvaa gomaayuvadha"sa"nkitaa.h||48
SP0290491: nihataa himavatputri jambuke"sastato hyaham|
SP0290492: abhava.m jagati khyaata.h suraasuranamask.rta.h|
SP0290493: d.r.s.tvainamapi deve"sa.m sarvakaamaanavaapnuyaat||49
SP0290501: grahai.h "sukrapurogai"sca etaani sthaapitaani hi|
SP0290502: pa"sya li"ngaani pu.nyaani sarvakaamapradaani tu||50
SP0290511: evametaani pu.nyaani mannivaasaani paarvati|
SP0290512: kathitaani tava k.setre guhya.m caanyadida.m "s.r.nu||51
SP0290521: kro"sa.m kro"sa.m caturdik.su k.setrametatprakiirtitam|
SP0290522: yojana.m viddhi caarva"ngi m.rtyukaale .am.rtapradam||52
SP0290531: mahaalayagiristhaane kedaare ca vyavasthitam|
SP0290532: ga.natva.m labhate d.r.s.tvaa k.setre .asminmok.sa-m-aapyate||53
SP0290541: gaa.napatyapadaattasmaadyata.h saa muktiruttamaa|
SP0290542: tato mahaalayaattasmaatkedaaraanmadhyamaadapi|
SP0290543: sm.rta.m pu.nyatama.m k.setramavimuktamida.m "subhe||54
SP0290551: kedaaramadhyame sthaane sthaana.m caiva mahaalayam|
SP0290552: mama pu.nyaani bhuurloke tebhya.h "sre.s.thatama.m tvidam||55
SP0290561: yata.h s.r.s.taani lokaani tata.h k.setramida.m "subham|
SP0290562: kadaacinna mayaa muktamavimukta.m tato .abhavat||56
SP0290571: avimukte"svara.m li"nga.m mama d.r.s.tveha maanava.h|
SP0290572: sadya.h paapavinirmukta.h pa"supaa"sairvimucyate||57
SP0290581: "saile"sa.m sa.mgame"sa.m ca svarliina.m madhyame"svaram|
SP0290582: hira.nyagarbhamii"saana.m goprek.sa.m sav.r.sadhvajam||58
SP0290591: upa"saanta"siva.m caiva jye.s.thasthaananivaasinam|
SP0290592: "sukre"svara.m ca vikhyaata.m vyaaghre"sa.m jambuke"svaram|
SP0290593: d.r.s.tvaa na jaayate martya.h sa.msaare du.hkhasaagare||59
SP0290601: evamuktvaa mahaadevo di"sa.h sarvaa vyalokayat|
SP0290602: vilokya sa.msthite pa"scaaddevadeve mahe"svare||60
SP0290611: akasmaadabhavatsarva.m tadde"sa.m jvalita.m yathaa|
SP0290612: savidyutstanitaagho.sa.m suuryaayuta"satoditam|
SP0290613: tejobhirekata.h puur.na.m vahnibhaaskarayoriva||61
SP0290621: tata.h paa"supataa.h siddhaa bhasmaabhya"ngasitaprabhaa.h|
SP0290622: yogii"svaraa mahaatmaanastathaa vaitaanikavrataa.h||62
SP0290631: avyaktali"ngina"scaiva "sivayogojjvalaprabhaa.h|
SP0290632: bahava.h "sata"so .abhyetya nama"scakrurmahe"svaram||63
SP0290641: punarniriik.sya deve"sa.m dhyaanayoga.m ca k.rtsna"sa.h|
SP0290642: tasthuraatmaanamaadhaaya liiyamaanaa ive"svare||64
SP0290651: sthitaanaa.m sa tathaa te.saa.m devadeva umaapati.h|
SP0290652: sa.mcintya paramaa.m muurti.m babhuuva puru.sa.h prabhu.h||65
SP0290661: .sa.dvi.m"sa ii"svaro .avyakta.h suuryaayutasamaprabha.h|
SP0290662: k.rtsna.m jagadivaikastha.m kartumanta ivaasthita.h||66
SP0290671: tasya taa.m paramaa.m muurtimaasthitasya jagatprabho.h|
SP0290672: na "sa"saaka vapurdra.s.tu.m h.r.s.taromaa giriindrajaa||67
SP0290681: tatastats.r.s.tamaatmaana.m buddhvaa saa prak.rtisthitam|
SP0290682: prak.rtermuurtimaasthaaya yogena paramaatmikaa|
SP0290683: ta.m "sa"saaka vapurdra.s.tu.m puru.sasya paraatmana.h||68
SP0290691: tataste layamaadhaaya yogina.h puru.sasya tu|
SP0290692: vivi"surh.rdaya.m sarve dagdhasa.msaarabiijina.h||69
SP0290701: anug.rhya tata.h sarvaa.mstaansiddhaanyatipu.mgavaan|
SP0290702: niilalohitamuurtistha.m puna"scakre vapu.h "subham||70
SP0290711: ta.m d.r.s.tvaa "sailajaa praaha h.r.s.tasarvatanuuruhaa|
SP0290712: stunvantii cara.nau gatvaa ka ime bhagavanniti||71
SP0290721: taamuvaaca sura"sre.s.thastadaa devii.m giriindrajaam|
SP0290722: madiiya.m vratamaa"sritya bhaktimadbhirdvijottamai.h|
SP0290723: yairyairyoga ihaabhyastaste.saamekena janmanaa||72
SP0290731: k.setrasyaasya prabhaavena bhaktyaa ca mama bhaavata.h|
SP0290732: anugraho mayaa hyeva.m kriyate muktida.h sadaa||73
SP0290741: tasmaadida.m mahatk.setra.m brahmaadyai.h sevyate mama|
SP0290742: "srutimadbhi"sca viprendrai.h sa.msiddhai"sca tapasvibhi.h||74
SP0290751: pratimaasamathaa.s.tamyaa.m pratimaasa.m caturda"siim|
SP0290752: ubhayo.h pak.sayordevi vaaraa.nasyaa.m mamaaspade||75
SP0290761: "sa"sibhaanuuparaage ca kaarttikyaa.m tu vi"se.sata.h|
SP0290762: sarvaparvasu pu.nye.su vi.suve.svayane.su ca||76
SP0290771: p.rthivyaa.m sarvatiirthaani vaaraa.nasyaa.m tu jaahnaviim|
SP0290772: uttarapravahaa.m pu.nyaa.m mama maulivinirgataam||77
SP0290781: pituste giriraajaacca srutaa.m himavata.h "subhaam|
SP0290782: bhajante sarvato .abhyetya taa~nch.r.nu.sva varaanane||78
SP0290791: sa.mnihityaa kuruk.setra.m saardha.m tiirtha"sataistathaa|
SP0290792: pu.skara.m naimi"sa.m caiva prayaaga.m sap.rthuudakam||79
SP0290801: sandhyaa sapta.rca.m caiva sarvaa nadya.h saraa.msi ca|
SP0290802: samudraa.h sapta caivaatra devatiirthaani k.rtsna"sa.h|
SP0290803: bhaagiirathii.m same.syanti sarvaparvasu kaa"sigaam||80
SP0290811: avimukte"svara.m maa.m ca kaa"siisthamacalaatmaje|
SP0290812: p.rthivyaa.m yaani pu.nyaani mahyamaayatanaani ca|
SP0290813: pravi"santi sadaabhyetya pu.nya.m parvasu parvasu||81
SP0290821: kedaare caiva yalli"nga.m yacca li"nga.m mahaalaye|
SP0290822: madhyame"svarasa.mstha.m ca tathaa pa"supatii"svaram||82
SP0290831: "sa"nkukar.ne"svara.m caiva gokar.ne ca tathaa hyubhau|
SP0290832: drimica.n.de"svara.m caiva bhadre"svara tathaiva ca||83
SP0290841: sthaane"svaramathaikaamra.m kaale"svaramaje"svaram|
SP0290842: bhairave"svaramii"saana.m tathaa kaaroha.naasthitam||84
SP0290851: yaani caanyaani pu.nyaani sthaanaani mama bhuutale|
SP0290852: taani sarvaa.nya"se.se.na kaa"sipuryaa.m vi"santi maam||85
SP0290861: sarvaparvasu pu.nye.su guhya.m caitadudaah.rtam|
SP0290862: teneha labhyate jantorvipannasyaam.rta.m padam||86
SP0290871: snaatasya caiva ga"ngaayaa.m d.r.s.tena ca mayaa "subhe|
SP0290872: sarvayaj~naphalaistulyami.s.tai.h "satasahasra"sa.h|
SP0290873: sadya eva-m-avaapnoti ki.m nvata.h paramasti vai||87
SP0290881: sarvaayatanamukhyaanaa.m divi bhuumau giri.svapi|
SP0290882: naata.h paratara.m devi budhyasvaastiiti k.rtsna"sa.h||88
SP0290891: brahmaarkavai"svaanara"sakracandrairjale"savittaadhipavaayubhi"sca|
SP0290892: gandharvayak.soragasiddhasa.mghai.h saardha.m sadaa sevitametadagryam||89
SP0290901: sthaana.m mameda.m hima"sailaputri guhya.m sadaa k.setramida.m supu.nyam|
SP0290902: vimok.sasa.msiddhiphalaprada.m hi tattvaprabuddhaa yatayo vadanti||90
SP0290911: k.setre .asminnivasanti ye suk.rtino bhaktaa.h sadaa maa.m naraa.h 
SP0290912: pa"syanto .anvahamaadare.na "sucaya.h snaataa.h sadaa matparaa.h|
SP0290913: te martyaa bhayapaapadu.hkharahitaa.h sa.m"suddhakarmakriyaa
SP0290914: bhittvaa sambhavabandhajaalagahana.m vindanti mok.sa.m param||91
SP0290921: evametatsara.hkiir.na.m naanaadrumalataakulam|
SP0290922: jaahnavyaala.mk.rta.m pu.nya.m k.setra.m guhyatama.m mama||92
SP0290931: bhaagiirathiimihaasaadya vaaraa.nasyaa.m mamaaspade|
SP0290932: a"svamedha"sata.m praapya brahmaloka.m ca gacchati||93
SP0290941: naata.h pu.nyatama.m devi naato guhyatama.m kvacit|
SP0290942: naata.h "subhatara.m ki.mcinnaata.h priyatara.m mama||94
SP0290951: k.setra.m mameda.m surasiddhaju.s.ta.m sampraapya martya.h suk.rtaprabhaavaat|
SP0290952: khyaato bhavetsarvasuraasuraa.naa.m m.rta"sca yaayaatparama.m pada.m tam||95
SP0290960: sanatkumaara uvaaca|
SP0290961: udyaanaani tato deva.h sthaanaani ca tathaatmana.h|
SP0290962: aakhyaaya himavatputryaa vicacaara tadaa puna.h||96
SP0290971: so .apa"syata tadaa vipra.m tapyamaana.m para.m tapa.h|
SP0290972: putra.m "sata"salaakasya jaigii.savya.m tapodhanam||97
SP0290981: sa li"nga.m devadevasya prati.s.thaapyaarcayatsadaa|
SP0290982: bhasma"saayii bhasmadigdho n.rttagiitairato.sayat|
SP0290983: japyena v.r.sanaadai"sca tapasaa bhaavita.h "suci.h||98
SP0290991: tameva.m vartamaana.m tu bhaktyaa paramayaa yutam|
SP0290992: bhagavaansahasaabhyetya ida.m vacanamabraviit||99
SP0291001: jaigii.savya mahaabuddhe pa"sya maa.m divyacak.su.saa|
SP0291002: tu.s.to .asmi varada"scaiva bruuhi yatte manogatam||100
SP0291011: sa evamukto devena soma.m d.r.s.tvaa trilocanam|
SP0291012: pra.namya "sirasaa paadaavavandatparayaa mudaa||101
SP0291020: jaigii.savya uvaaca|
SP0291021: nama.h sarvaarthasiddhaaya yogasiddhaaya vai nama.h|
SP0291022: nama.h pinaakahastaaya himavannilayaaya ca||102
SP0291031: nama.h pavanavegaaya dhyeyaaya dhyaayibhi.h sadaa|
SP0291032: nama.h somaaya hemne ca hemamaalaadharaaya ca||103
SP0291041: namo ga.naadhipataye nama.h "saantendriyaaya ca|
SP0291042: yogasaahaayyakartre ca saahasopa"samaaya ca||104
SP0291051: namo m.rtyuharaayaiva nama.h "sokaharaaya ca|
SP0291052: nama.h siddhipradaatre ca siddhisiddhaaya vai nama.h||105
SP0291061: dhaari.ne sarvalokaanaa.m sarvaloke"svaraaya ca|
SP0291062: namo da"saardhavar.naaya sa.msaaraapanudaaya ca||106
SP0291071: nama.h sa.msaarapaaraaya apaaraparamaaya ca|
SP0291072: svaya.mmantre ca manase durvij~neyaaya vai nama.h||107
SP0291081: nama.h kaalakalaaj~naaya sakalaayaakalaaya ca|
SP0291082: namastattvaadhivaasaaya pretaadhipataye nama.h||108
SP0291091: nama.h krodhavihiinaaya krodhaadhipataye nama.h|
SP0291092: nama.h "sramaayaa"srami.ne "sramaapanayanaaya ca||109
SP0291101: namo j~naanarasaj~naaya j~naanine .aj~naanahaari.ne|
SP0291102: saktaaya caiva tapasi ai"svaryanirataaya ca||110
SP0291111: namo j~naanaaya bandhaaya aj~naanavinivartine|
SP0291112: nama.h sarvaanubhaavaaya bhaavaanugatacetase||111
SP0291121: nama.h "samadamaa.dhyaaya m.rtyuduutaapahaari.ne|
SP0291122: nama.h "sailaadinaathaaya "sailaadiga.napaaya ca||112
SP0291131: namo yogarahasyaaya yogadaaya namo nama.h|
SP0291132: mahya.m sarvaatmanaa kaamaanprayaccha bhagavanprabho||113
SP0291140: sanatkumaara uvaaca|
SP0291141: sa eva.m stuuyamaana"sca bhaktyaa paramayaapi ca|
SP0291142: tu.s.tastuto.sa bhuuyo .asya ida.m cainamuvaaca ha||114
SP0291150: deva uvaaca|
SP0291151: ajara"scaamara"scaiva sarva"sokavivarjita.h|
SP0291152: mahaayogii mahaaviiryo yogai"svaryasamanvita.h||115
SP0291161: prabhaavaaccaasya guhyasya k.setrasya mama "saa"svatam|
SP0291162: yoge .a.s.tagu.namai"svarya.m praapsyase parama.m mahat|
SP0291163: bhavi.syasi dvija"sre.s.tha yogaacaarya"sca vi"sruta.h||116
SP0291171: ya"scema.m tvatk.rta.m li"nga.m niyamenaarcayi.syati|
SP0291172: yonaya.h sapta gatvaa tu yoga.m sa samavaapsyati||117
SP0291181: jaigii.savyaguhaa.m cemaa.m praapya yo yok.syate dvija.h|
SP0291182: sa saptaraatra.m yuktaatmaa sarvapaapai.h pramucyate||118
SP0291191: maasena puurvaa.m jaati.m ca puurvaadhiita.m ca vetsyati|
SP0291192: ekaraatra.m gati.m "suddhaa.m dvaabhyaa.m taarayate pit.Rn||119
SP0291201: triraatre.na vyatiitaa.m"sca paraansapta ca taarayet|
SP0291202: ato bhuuya"sca ki.m te .adya jaigii.savya dadaanyaham||120
SP0291210: jaigii.savya uvaaca|
SP0291211: bhagavandevadeve"sa yaccha yanme manogatam|
SP0291212: ato .aha.m naanyadicchaami yogaak.sayyaatpara.m hitam||121
SP0291221: tvayi bhakti"sca nitya.m syaatsome saga.nape"svare|
SP0291222: anutseka.m tathaa k.saanti.m "sama.m damamathaapi ca||122
SP0291231: na caapyabhibhava.m kuryaanna ca tejovamaananaam|
SP0291232: etaanvaraanaha.m deva sadecchaami mahaadyute||123
SP0291241: deva uvaaca|
SP0291242: ete tava bhavi.syanti ajayyatva.m ca yogibhi.h|
SP0291243: icchato dar"sana.m caiva bhavi.syati ca te mama||124
SP0291250: sanatkumaara uvaaca|
SP0291251: tata.h sa bhagavaandeva.h paaraa"saryomayaa saha|
SP0291252: sanandii saga.na"scaiva bhaktaanugrahalipsayaa||125
SP0291261: tapyato yak.saraajasya k.rtvaa h.rdi mahe"svaram|
SP0291262: varadaanaaya deve"so jagaama puratastadaa||126
SP0291271: atha d.r.s.tvaa tripaada.m ca hrasvabaahuurupaadakam|
SP0291272: tapyamaana.m tapo ghora.m suta.m vi"sravasastadaa||127
SP0291281: d.r.s.tvovaaca tato deva.h kubera.m diiptatejasam|
SP0291282: tapasaa bhaavita.m vyaasa tvagasthiparisa.msthitam||128
SP0291290: deva uvaaca|
SP0291291: bho bho vi"sravasa.h putra cak.surdivya.m dadaani te|
SP0291292: soma.m pa"sya mahaasattva maa.m tva.m divyena cak.su.saa||129
SP0291301: tata.h sa d.r.s.tvaa deve"sa.m saamba.m nandipura.hsaram|
SP0291302: pra.namya kar.sita.h samyagutthaatu.m na "sa"saaka ha||130
SP0291311: abala.m ta.m samaalak.sya utthaane .a"saktamii"svara.h|
SP0291312: uvaacotti.s.tha bhadra.m te bala.m pauraa.namastu te||131
SP0291321: tata utthaaya jaanubhyaa.m kubero hyavati.s.thata|
SP0291322: paar"svagaa.m caiva netre.na deviimaalokayansthita.h||132
SP0291331: iya.m saa parvatasutaa sarvalokanamask.rtaa|
SP0291332: maataa lokatrayasyaasya mahaayogabalaanvitaa||133
SP0291341: aho .asyaastapaso viiryamaho diiptiraho balam|
SP0291342: yaa prabho.h sarvalokasya patniitva.m prajagaama ha||134
SP0291350: sanatkumaara uvaaca|
SP0291351: tameva.mbhuutamanasamiik.samaa.na.m ca paarvatiim|
SP0291352: bubodha devii buddhvaa ca cukopa parame"svarii||135
SP0291361: saa kruddhaa tu kuberasya vaamamak.si sudiiptimat|
SP0291362: vi"su.ska.m kak.samaadiiptaa dadaahaagne.h "sikhaa yathaa||136
SP0291371: puna"scaasya vinaa"saaya kuberasya "subhaananaa|
SP0291372: mati.m dadhre tapoyonirathainaamavadaddhara.h||137
SP0291381: maa krudho devi yak.sasya bhaktasyaasya tapasvina.h|
SP0291382: ya"sasvii dhaarmika"scaaya.m bhaktastvaa.m ca vi"se.sata.h||138
SP0291391: kutuuhalatayaa hye.sa tvaa.m niriik.sitavaa~nchubhe|
SP0291392: prasaada.m kuru baalasya dhanadasya mahe"svari||139
SP0291400: devyuvaaca|
SP0291401: e.so .asak.rnmaa.m deve"sa viik.sate .avinayaatprabho|
SP0291402: minoti na gu.naandeva kasmaanmama pura.h sthita.h||140
SP0291411: tejasaa.m yo .aprameyaanaa.m kuryaanmohena la"nghanam|
SP0291412: so .alpaviiryo vina"syeta pata"ngo .agnimivaagata.h||141
SP0291420: sanatkumaara uvaaca|
SP0291421: taameva.m krodhataamraak.sii.m kruddhaa.m samprek.sya "sa.mkara.h|
SP0291422: uvaaca madhura.m "slak.s.na.m giriindratanayaa.m vaca.h||142
SP0291431: braviimi tvaa.m mahaabhaage maa krudho jagato .ara.ni|
SP0291432: tvayaa s.r.s.ta.m jagatsarva.m prak.rtistva.m sure"svari|
SP0291433: putraste .aya.m yato devi tasmaanna kroddhumarhasi||143
SP0291441: maatara.m caiva putrasya viik.samaa.nasya "sobhane|
SP0291442: na do.so .asti na caivaasya tvayi ceto vimohitam||144
SP0291451: tasmaattvameva devyasya prasannasya natasya ca|
SP0291452: prasaada.m kuru deve"se kuberasya yathepsitam||145
SP0291460: sanatkumaara uvaaca|
SP0291461: saa tathaa devadevena proktaa girivaraatmajaa|
SP0291462: prasaadamakarottasya prasannaa cedamabraviit||146
SP0291470: devyuvaaca|
SP0291471: kubera yatte durita.m k.saanta.m tatte mayaanagha|
SP0291472: tu.s.taasmi maa k.rthaa"scaiva punastejasvila"nghanam||147
SP0291481: yattvida.m te mayaa dagdhamiik.samaa.nasya locanam|
SP0291482: vaama.m tathaiva bhavatu pi"ngala.m diiptimacca ha||148
SP0291491: anena caa"nkito loke bhavi.syasi na sa.m"saya.h|
SP0291492: ekaak.sipi"ngalo naamnaa khyaata.h sarvatra puujita.h||149
SP0291501: carita.m yattapa"scedamak.saya.m tacca te .avyayam|
SP0291502: saubhaagyamuttama.m caiva matprasaadaadbhavi.syati||150
SP0291510: sanatkumaara uvaaca|
SP0291511: evamuktvaa tato devii viraraama "subhaananaa|
SP0291512: bhagavaanvarado .asmiiti kuberamavadattata.h||151
SP0291521: athaivamukto devena kubero h.r.s.tamaanasa.h|
SP0291522: tu.s.taava deva.m devii.m ca "sirasaa praa~njalirnata.h||152
SP0291531: kubera uvaaca|
SP0291532: nama.h pa.t.tisahastaaya kirii.tavaradhaari.ne|
SP0291533: namo valayadhaari.nyai dhaari.nyai darpa.nasya ca||153
SP0291541: nama.h sarvaa"ngake"saaya diirghake"syai namo nama.h|
SP0291542: namo mekhaladhaari.nyai namo mau~njiidharaaya ca||154
SP0291551: namo niila"sikha.n.dinyai nama.h pi"ngaja.taabh.rte|
SP0291552: namo j~naanaaya tanave bhuutaadhipataye nama.h||155
SP0291561: namastaaraabhidhaari.nyai si.mhoraskaaya vai nama.h|
SP0291562: namo ratnaagryadhaari.nyai nama"scandraardhamaulaye||156
SP0291571: nama.h prak.rtaye caiva namo .astu puru.saaya ca|
SP0291572: namo .astu buddhaye caiva aha.mkaaraaya vai nama.h||157
SP0291581: namo .astu rataye caiva sukhaaya ca namo nama.h|
SP0291582: nama.h kiirtyai karma.ne ca aarambhaaya samaaptaye||158
SP0291591: namo yaj~naaya mantraaya dak.si.naayai .rce nama.h|
SP0291592: nama.h saamne .atha yaju.se chandase ce.s.taye nama.h||159
SP0291601: namo .agnaye ca vedyai ca svaahaayai havi.se nama.h|
SP0291602: namo lak.smyai "sriyai caiva namo dharmaaya vedhase||160
SP0291611: icchaayai rataye caiva nama.h sampadviraagi.ne|
SP0291612: nama.h siddhyai tathaa pu.s.tyai tu.s.tyai k.saantyai namo nama.h||161
SP0291621: nama.h svadhaayai kavyaaya havyaaya ca namo nama.h|
SP0291622: namo vedyaaya vidyaayai nama.h "sarvaaya bhaktaye||162
SP0291631: pralayotpattaye caiva sthityai sa.msaara.naaya ca|
SP0291632: mok.saaya muktaye caiva nama.h kaalaaya m.rtyave||163
SP0291641: namaste bhagavandeva saha devyaa jagatpate|
SP0291642: di"sa no bhuutabhavye"sa yanme manasi sa.msthitam||164
SP0291650: sanatkumaara uvaaca|
SP0291651: ya ima.m pa.thate nitya.m stava.m praata.h samutthita.h|
SP0291652: japa.m"sca vipro vai"syo vaa "suudra.h k.satriya eva vaa||165
SP0291661: tasya tu.s.to dhane"sastu prayacchati mahaddhanam|
SP0291662: soma"sca bhagavaa.mstu.s.to gatimi.s.taa.m prayacchati||166
SP0291670: sanatkumaara uvaaca|
SP0291671: eva.m sa sa.mstutastena kubere.na jagatpati.h|
SP0291672: uvaaca varado .asmiiti bruuhi vi"sravasa.h suta||167
SP0291681: kubera uvaaca|
SP0291682: tvatta.h prasaada.h satata.m bhakti"sca tvayi "saa"svatii|
SP0291683: bhagava.mstvaa.m ca pa"syeya.m vara e.so .astu me vibho||168
SP0291691: evamastviti tatsarva.m pradaaya bhagavaa~nchiva.h|
SP0291692: aatmanaa saha sakhya.m ca dadaavaatyantika.m tadaa||169
SP0291700: deva uvaaca|
SP0291701: g.rhaa.na cemaa.m "sibikaa.m narayuktaamasa"nginiim|
SP0291702: lokaanyathe.s.ta.m loke"sa yaamaaruhya cari.syasi||170
SP0291711: imaa.m caivaa"sani.m divyaamapratiighaatalak.sa.naam|
SP0291712: g.rhaa.naayudhametatte bhavi.syatyaridu.hsaham||171
SP0291721: astra.m ca te prayacchaami tava naamnaa bhavi.syati|
SP0291722: kauberamiti vikhyaata.m mohana.m sarvadehinaam||172
SP0291730: sanatkumaara uvaaca|
SP0291731: tata.h sa devastu.s.taatmaa maalaa.m svayamaninditaam|
SP0291732: aababaddhaasya "sirasi bhaaskaraakaaravarcasam||173
SP0291741: ku"se"sayaanaa.m phullaanaa.m sragdaama.m ca manoramam|
SP0291742: aababaddhaasya ka.n.the vai priiyamaa.na umaapati.h||174
SP0291751: prakaama.m dar"sana.m caasya dattvaa caiva dhane"sataam|
SP0291752: jagaama bhagavaansomastato .anya.m de"samiipsitam||175
SP0291760: sanatkumaara uvaaca|
SP0291761: ya ima.m tu kuberasya varadaanama"se.sata.h|
SP0291762: "s.r.nuyaacchraavayedvaapi nitya.m vipraansamaahita.h||176
SP0291771: dhanavaanruupasampanna.h putrapautrasamanvita.h|
SP0291772: kulaj~naanabalopeto jaayate sa m.rto nara.h||177
SP0291781: atha devii mahaabhaagaa sahitaa "sambhunaa tadaa|
SP0291782: sa.mcintya pa~ncacuu.daastu tapantyo .apsarasa.h "subhaa.h||178
SP0291791: k.r"saa"ngyo bhaktimatya"sca tapasaa dagdhakilbi.saa.h|
SP0291792: kaaru.nyaah.rtacetaskaa deva.m vacanamabraviit||179
SP0291801: etaasaa.m tapyamaanaanaa.m yo.sitaa.m varamuttamam|
SP0291802: dadaaniipsitamii"saana tanme .anuj~naatumarhasi|
SP0291803: tasyaa vij~naptimaakar.nya bhagavaanidamabraviit||180
SP0291811: eva.m kuru mahaabhaage bhaktaanugrahamiipsitam|
SP0291812: vaidikyo .apsaraso hyetaa.h pa~ncacuu.daa iti sm.rtaa.h|
SP0291813: tvaa.m k.rtvaa h.rdi tapyante vara aabhya.h pradiiyataam||181
SP0291821: tata.h saa devadevena tathaa samanucoditaa|
SP0291822: pa~ncacuu.daa.h samaagamya vaca etaduvaaca ha||182
SP0291831: tu.s.taasmyapsarasa.h saak.saatpa"syadhva.m maa.m "sucismitaa.h|
SP0291832: dadaani vo varaani.s.taanye vo h.rdayasa.msthitaa.h||183
SP0291840: sanatkumaara uvaaca|
SP0291841: taa evamuktaa.h paarvatyaa vaidikyo .apsarasa.h "subhaa.h|
SP0291842: devii.m d.r.s.tvaa pra.namyaiva "sirasaa paadayornataa.h||184
SP0291851: a"srupuur.nek.sa.naa diinaa.h sa.mstabhyaatmaanamaatmanaa|
SP0291852: "sirasya~njalimaadhaaya tu.s.tuvu.h sahitaa.h samam||185
SP0291861: nama.h siddhyai namastu.s.tyai kriyaayai buddhaye nama.h 
SP0291862: nama.h kiirtyai nama.h satyai ulkajaayai tathe.s.taye||186
SP0291871: nama.h p.rthivyai kalyaa.nyai "sriyai lak.smyai namo nama.h|
SP0291872: nama.h sudhaayai svaahaayai svadhaayai ditaye nama.h||187
SP0291881: namo .astu ta.dite caiva saudaamanyai namo nama.h|
SP0291882: saavitryai caatha gaayatryai vedamaatre namo nama.h||188
SP0291891: nama.h parvatakanyaayai mataye sm.rtaye nama.h|
SP0291892: nama.h parvatavaasinyai rudraa.nyai ca namo nama.h||189
SP0291901: nama.h prak.rtaye caiva jyotsnaayai .rddhaye nama.h|
SP0291902: "sobhaayai diiptaye caiva bhaaskaragrahara"smaye||190
SP0291911: gatyaayai gataye caiva indraa.nyai muktaye nama.h|
SP0291912: niyatyai sarite caiva ga"ngaayai suutaye nama.h||191
SP0291921: hetaye priitaye caiva nama.h kara.nav.rttaye|
SP0291922: nama.h sa.mnataye caiva iraayai v.rttaye nama.h||192
SP0291931: vaaru.nyai ca "sara.nyaayai gauryai kaalyai namo nama.h|
SP0291932: kau"sikyai ca namaste .astu kaatyaayanyai namo nama.h||193
SP0291941: nama.h sa.mnataye caiva mahimne ca namo nama.h|
SP0291942: a.nimaayai namaste .astu laghimaayai namo nama.h||194
SP0291951: puujaayai te namaste .astu "sitibaahve ca s.rptaye|
SP0291952: sa.mj~naayai ca namaste .astu gire .atha sm.rtaye nama.h||195
SP0291961: namaste .astu sarasvatyai jihvaayai d.r.s.taye nama.h|
SP0291962: namo mahi.saghaatinyai tathaa sumbhanisumbhayo.h||196
SP0291971: nama.h si.mharathinyai ca "suulinyai ca namo nama.h|
SP0291972: namo mudgaradhaari.nyai kavacinyai namo nama.h||197
SP0291981: namastuu.niiradhaari.nyai dhaari.nyai jagato nama.h|
SP0291982: namo dhanurdharaayai ca kha.dginyai ca namo nama.h||198
SP0291991: nama.h pi~ncchadhvajinyai ca dhaari.nyai pa.t.tisasya ca|
SP0291992: namo .astu bhuutamaatre ca skandasya ca namo nama.h||199
SP0292001: vi"saakha"saakhayo"scaiva naigame.sasya caiva hi|
SP0292002: jaatyai sarvarasaanaa.m ca devataayai vanasya ca||200
SP0292011: aaryaayai ca namo nitya.m "sikha.n.dinyai namo nama.h|
SP0292012: namo niila"sikha.n.dinyai diirghave.nyai namo nama.h||201
SP0292021: namo .astu tanumadhyaayai devataayai dhanasya ca|
SP0292022: namo dh.rtyai nama"scityai kiirtaye ca namo nama.h||202
SP0292031: strii.naa.m saubhaagyadaayinyai dhaari.nyai ca namo nama.h|
SP0292032: raakaanumataye caiva siniivaalyai namo nama.h||203
SP0292041: nama.h kriyaayai "sraddhaayai medhaayai ca namo nama.h|
SP0292042: namo .astu dhaara.naayai ca uuhaayai ca namo nama.h||204
SP0292051: apohaayai namaste .astu va.sa.tprak.rtaye nama.h|
SP0292052: nama.h samaadhaye caiva sp.rhaayai vittaye nama.h||205
SP0292061: vedanaayai namaste .astu b.rhaduk.syai namo nama.h|
SP0292062: nama.h prabhaayai "suddhaayai "suddhaye "sucaye nama.h||206
SP0292071: namastryambakabhaaryaayai vidyaayai ca namo nama.h|
SP0292072: diik.saayai dak.si.naayai ca jvaalaayai ca namo nama.h||207
SP0292081: indriyaa.naa.m prav.rttyai ca niv.rttyai caiva karma.naam|
SP0292082: "srutaye sarvavedaanaa.m bhavaanyai ca namo nama.h||208
SP0292091: durgaayai durgataari.nyai dhaari.nyai sarvadehinaam|
SP0292092: namaste sarvadevatyai namaste lokabhaavani||209
SP0292101: nama.h "saantyai nama.h kaantyai nama.h patnyai harasya ca|
SP0292102: namo .astvadityai daanavyai vinataayai namo nama.h||210
SP0292111: nama.h "sivaayai kartryai ca prabhaavaayai namo nama.h|
SP0292112: m.rka.n.dvai maardabaahvai ca tathaa surataye nama.h||211
SP0292121: vinataayai tathaa lak.smyai surasaayai namo nama.h|
SP0292122: namaste "sitika.n.thinyai namaste sarvata.h sadaa|
SP0292123: di"sa na.h sumanaa.h sarva.m yatki.mciddh.rdaye sthitam||212
SP0292130: sanatkumaara uvaaca|
SP0292131: ya ida.m pa.thate nitya.m nara.h strii vaa samaahita.h|
SP0292132: sa raatri.su k.rta.m paapa.m tyajetsarvama"se.sata.h||213
SP0292141: "sayaano japate ya"sca prayato vyaasa nitya"sa.h|
SP0292142: divaak.rta.m sa jahyaattu m.rta"sca sugati.m vrajet||214
SP0292151: ya"scaitacch.r.nuyaannitya.m dvijaanvaa "sraavayetsadaa|
SP0292152: sa dehabhedamaasaadya pa~ncacuu.daapriyo bhavet||215
SP0292161: ya"scaina.m prajahanpraa.naa~njapenmartya.h sudustyajaan|
SP0292162: vimaane suuryasa.mkaa"se apsaroga.nasevite|
SP0292163: sarvapaapavinirmukto ramedvar.saayuta.m samam||216
SP0292171: ya"sca bhaktyaa paramayaa tithau niyamavaannara.h|
SP0292172: deviimabhyarcya japate sarvapaapai.h pramucyate||217
SP0292181: japanaaddehatapanaaddehe bhinne ca bhaktimaan|
SP0292182: sa bhuutvaanucaro devyaa.h pu.nye loke mahiiyate||218
SP0292190: sanatkumaara uvaaca|
SP0292191: taabhireva.m stutaa devii sthitaa devasya sa.mnidhau|
SP0292192: uvaaca har.samaa.naasyaa pa~ncacuu.daastadaa vaca.h||219
SP0292201: "s.r.nutaapsarasa.h sarvaastapaso .asya mahatphalam|
SP0292202: yaccaapi parayaa bhaktyaa maa.m prapannaa.h stha "sobhanaa.h||220
SP0292211: ajaraa"sca vi"sokaa"sca nitya.m muditamaanasaa.h|
SP0292212: priyaa"sca sarvalokasya bhavi.syatha mamaaj~nayaa||221
SP0292221: bruuta yaccaapi ki.mcidvo h.rdi sthitama"sa"nkitaa.h|
SP0292222: sarva.m daasyaami tadvo .aha.m maa ciraaya taducyataam||222
SP0292231: pa~ncacuu.daa uucu.h|
SP0292232: devi pu.msaa.m striya.h sarvaa.h kaaryaartha.m vidita.m ca te|
SP0292233: arthinaste ca nastaavadyaavatkaarya.m samaapyate|
SP0292234: samaapte caiva tatkaarye paraa iva bhavanti na.h||223
SP0292241: taddevi yadi tu.s.taasi yadi deyo vara"sca na.h|
SP0292242: sarvastrii.naa.m mahaadevi bhavantu puru.saa va"saa.h||224
SP0292250: devyuvaaca|
SP0292251: adyaprabh.rti loke.su sarvastrii.naa.m naraa.h sadaa|
SP0292252: sarve va"syaa bhavi.syanti sarvakaaryakaraa"sca ha||225
SP0292261: aadau pa"scaacca sarvaabhyo hira.nya.m pa"sava.h striya.h|
SP0292262: sarvabhogaa.m"sca daasyantu va"sagaa.h sarvathaapi ca||226
SP0292271: vyaliikaanyapi kurvantyo bahuuni vividhaani ca|
SP0292272: priyaa eva bhavi.syanti paapa.m na ca bhavetsadaa||227
SP0292281: maatara.m pitara.m bhraat.Rnsuh.rdo .atha sutaanapi|
SP0292282: akaaryaa.ni kari.syantu strii.naa.m va"syatvamaagataa.h||228
SP0292291: pa"syanto .api vyaliikaani do.saanvaik.rtyameva ca|
SP0292292: naiva drak.syanti te pu.mso madvaraanmohitendriyaa.h||229
SP0292300: sanatkumaara uvaaca|
SP0292301: tata.h saa devadevasya patnii himavata.h sutaa|
SP0292302: maalyadaama.m g.rhiitvaa tu bhraamayantii "subhaananaa|
SP0292303: bhava naarya iti praaha hasantii priyamavyayaa||230
SP0292311: bhraamyatastasya daamnastu yaanya"siiryanta bhuutale|
SP0292312: kusumaanyabhava.mstaani naarya.h kamalalocanaa.h||231
SP0292321: taa uvaacaamaraa yuuya.m jaraak.sayavivarjitaa.h|
SP0292322: jaganmohakaraa yuuya.m pu.msaa.m h.rdayabandhanaa.h||232
SP0292331: d.r.s.tispar"savilaase.su aavi"sya jagati striya.h|
SP0292332: sa.mmohayi.syatha naraanstriiva"saa.m"sca kari.syatha|
SP0292333: naraa.h sarve ca yu.smaasu bhavi.syanti sadaa rataa.h||233
SP0292341: v.rtti.h "subhaa bhavitrii ca sarvaasaa.m mama tejasaa|
SP0292342: pu.msaa.m striibhogasiddhyartha.m strii.naa.m ratyarthameva ca||234
SP0292351: kriyaa.h "subhaa"ngasa.mskaaraa divyaa ye maanu.saa"sca ha|
SP0292352: bahuruupaa"sca taa bhuutvaa vivi"su.h sarvadaa"nganaa.h||235
SP0292360: sanatkumaara uvaaca|
SP0292361: eva.m devii tadaa vyaasa s.r.s.tvaa taa vai vis.rjya ca|
SP0292362: uvaacaapsaraso bruuta ki.m vo bhuuya.h karomyaham||236
SP0292371: taastu.s.tamanasa"scaapi uucurvyaasa bhavemahi|
SP0292372: devaanaa.m maanu.saa.naa.m ca avadhyaa"scaiva rak.sasaam|
SP0292373: taa uvaaca tato devii eva.m loke bhavi.syatu||237
SP0292381: tata.h sa sahito devyaa sanandii parame"svara.h|
SP0292382: ga.nai.h sarvai"sca sahito g.rhaansvaanaavi"satprabhu.h||238
SP0292391: bhaganayananipaatii daityadarpaapahaarii purakamalahimaugha.h kaamayaj~nendhanaagni.h |
SP0292392: jaladav.r.sabhayaayii sarvadu.hkhaantakaarii samarav.r.sabhaketu"scandramaulirjagaama||239
SP0299999: iti skandapuraa.ne uunatri.m"so .adhyaaya.h||