SP0270010: sanatkumaara uvaaca|
SP0270011: atha tasminsukhaasiinau "sailajaav.r.sabhadhvajau|
SP0270012: aasane kaa~ncane divye naanaaratnopa"sobhite||1
SP0270021: athaacalasutaa devii sukhaasiinaa vibhaavarii|
SP0270022: sarvalokapati.m praaha giriindratanayaa patim||2
SP0270031: bhagavandevataarighna candraavayavabhuu.sa.na|
SP0270032: kathayaitanmama vibho yattvaa.m p.rcchaami maanada||3
SP0270041: ki.m phala.m tava deve"sa labhante bhaktavatsala|
SP0270042: bhaktaa ye phalamuddi"sya kurvate tava ki.mcana||4
SP0270050: sanatkumaara uvaaca|
SP0270051: sa evamumayaa prokta.h "suulapaa.nirv.r.sadhvaja.h|
SP0270052: avocatsarvamavyagro devadeva.h "subhaa"subham||5
SP0270060: vyaasa uvaaca|
SP0270061: ki.m tatsa bhagavaandeva.h priiyamaa.no mahaatapaa.h|
SP0270062: pra.nayaatsa tadaa devyaa p.r.s.to .akathayadavyaya.h||6
SP0270070: sanatkumaara uvaaca|
SP0270071: mayaapyetatpuraa vyaasa p.r.s.to nandii"svara.h prabhu.h|
SP0270072: yathoktavaanmayi brahma.mstathaa tatkathayaami te||7
SP0270081: ga.ne"saana.m mahaabhaaga.m suuryaayutasamaprabham|
SP0270082: ap.rcchamahamavyagro nandii"svara.m mahaadyutim||8
SP0270091: ii"sena yatpuraa devyaa.h kathita.m ga.nasattama|
SP0270092: tanme bruuhi yathaatattva.m para.m kautuuhala.m hi me||9
SP0270100: nandii"svara uvaaca|
SP0270101: "sruuyataamabhidhaasyaami p.rcchataste mahaamune|
SP0270102: devadevena paarvatyaa yatpuraa kathita.m hitam||10
SP0270110: deva uvaaca|
SP0270111: "sruuyataamabhidhaasyaami yanmaa.m p.rcchasi suvrate|
SP0270112: hitaaya devi bhaktaanaa.m p.r.s.taste kathayaami te||11
SP0270121: praasaada.m yastu me devi "subhra.m kuryaadanindite|
SP0270122: vidadhaamyarjuna.m tasya g.rha.m "sivapure .ak.sayam||12
SP0270131: vidhaanena yathoktena li"nga.m me sthaapayecca ya.h|
SP0270132: carate sa mayaa saardha.m nityama.s.tagu.naanvita.h||13
SP0270141: kaa~ncana.m tu.timaatra.m vaa yo dadyaadbahu vaa mama|
SP0270142: tasya haimavate "s.r"nge dadaani g.rhamuttamam||14
SP0270151: yo me gaastu hira.nya.m vaa dadyaadavimanaa.h priye|
SP0270152: lokaandadaanyaha.m tasmai sarvakaamasamanvitaan||15
SP0270161: v.r.sabha.m ya.h prayaccheta "sveta.m niilamathaapi vaa|
SP0270162: sa kulaanaamubhayatastaarayedekavi.m"satim||16
SP0270171: gocarmadvayasaa.m vaapi yo me dadyaadvasundharaam|
SP0270172: sa me pura.m samaasaadya ga.ne"sai.h saha modate||17
SP0270181: yo me pu.nyaphala.m dadyaadaatmanaa puurvamaarjitam|
SP0270182: so .anantaphalamaapnoti modate ca trivi.s.tape||18
SP0270191: yo .anuyaana.m caturda"syaa.m k.r.s.nasya kurute mama|
SP0270192: rathena v.r.sayuktena mama loke sa modate||19
SP0270201: mahimaanopacaarai"sca yo maa.m japyai"sca puujayet|
SP0270202: dadaani brahma.no loke vaasa.m tasya supuujitam||20
SP0270211: manasaa cintayedya"sca puujayeyamaha.m haram|
SP0270212: a"sakto naasti ca dravya.m yasya nitya.m sumadhyame||21
SP0270221: sa tayaa "sraddhayaa puuto vimukta.h sarvapaatakai.h|
SP0270222: mama lokamavaapnoti bhinne dehe na sa.m"saya.h||22
SP0270231: snaatvaa ya.h puurvasa.mdhyaayaa.m sadaa maamupagacchati|
SP0270232: sa mitra.m yak.saraajasya yak.so bhavati viiryavaan||23
SP0270241: sa.mmaarjana.m pa~nca"sata.m sahasramupalepanam|
SP0270242: gandhaa"sca da"sasaahasraa aanantya.m caarcana.m sm.rtam||24
SP0270251: abhya"ngo .a.s.ta"sata.m caiva snapana.m tri"sata.m bhavet|
SP0270252: gandhodaka.m pa~nca"sata.m pa~ncagavya.m tathaiva ca||25
SP0270261: k.siira.m pa~ncagu.na.m devi tasmaadbhuuya"sca kaapilam|
SP0270262: tasmaacca sarpi.saa snaana.m bhuuya.h pa~ncagu.na.m tathaa||26
SP0270271: k.samaami devi caasyeha aparaadhaanbahuunapi|
SP0270272: bhasmaabhi.sekamaanantya.m guhya.m caitanmamepsitam||27
SP0270281: agaru.m da"sasaahasra.m .sa.tsahasra.m tu candanam|
SP0270282: caturda"sasahasraa.ni dhuupa.h kaalaagaru.h sm.rta.h||28
SP0270291: ak.sataasta.n.dulayavaa.h "saalayo dvi"sataa.h sm.rtaa.h|
SP0270292: aanantyo guggulu"scaiva sahaajyena sudhuupita.h||29
SP0270301: dve sahasre palaanaa.m tu mahi.saak.sasya yo dahet|
SP0270302: devi sa.mvatsara.m puur.na.m sa me nandisamo bhavet||30
SP0270311: dak.si.naayaa.m tu yo muurtau paayasa.m sagh.rta.m "subhe|
SP0270312: nivedayedvar.sameka.m sa ca nandisamo bhavet||31
SP0270321: caravo da"sasaahasraa yaavaka"sca caturgu.na.h|
SP0270322: "se.saa"sca carava.h sarve yaavakaardhena sa.mmitaa.h||32
SP0270331: gh.rtapaatramasa.mkhyeyamiha pretya ca "saa"svatam|
SP0270332: prii.naati ca pit.Rnsarvaanvimaane caiva modate|
SP0270333: chattra.m dadyaacca ya.h so .api diipyate tejasaa divi||33
SP0270341: ubhe pak.se trayoda"syaama.s.tamyaa.m copavaasika.h|
SP0270342: upati.s.theta maa.m bhaktyaa sopahaaramanindite|
SP0270343: dadaanyasya svaka.m loka.m tu.s.to .aha.m devi "saa"svatam||34
SP0270351: raktapiitakavaasobhi.h pu.spai"sca vividhairapi|
SP0270352: puujito .aha.m sadaa bhaktyaa putratve kalpayaami tam||35
SP0270361: ekaraatra.m ca yo martyo diipa.m dhaarayati sthita.h|
SP0270362: sarvayaj~naphala.m tasya dadaani "sriyameva ca||36
SP0270371: mayaiva mohitaa.h sarve lokaa.h saja.dapa.n.ditaa.h|
SP0270372: na maa.m pa"syanti raagaandhaastamasaa bahuliik.rtaa.h||37
SP0270381: dhyaanino nityayuktaa ye satyadharmaparaaya.naa.h|
SP0270382: ekaagramanaso daantaaste maa.m pa"syanti nityadaa||38
SP0270391: ye me bhaktaa.h sadaa caiva saa.mkhyayogavi"saaradaa.h|
SP0270392: sarva.m pa"syanti ca mayi maa.m ca sarvatra yogata.h||39
SP0270401: trii/llokaansamatikramya brahmaloka.m tathaiva ca|
SP0270402: gacchanti mama te loka.m tamo bhittvaa sudurbhidam||40
SP0270411: na "sakyo .asmi tapoyuktairdra.s.tu.m muniga.nairapi|
SP0270412: dhyaanino nityayuktaa"sca devi pa"syanti maa.m budhaa.h||41
SP0270421: yaani loke.su tiirthaani devataayatanaani ca|
SP0270422: paadayostaani su"sro.ni sadaa sa.mnihitaani me||42
SP0270431: mayyarpitamanaa nitya.m tathaa madbhaavabhaavita.h|
SP0270432: mamaiva sa prabhaavena sarvapaapai.h pramucyate||43
SP0270441: sarvathaa vartamaano .api devi yo maa.m sadaa smaret|
SP0270442: kalma.se.na na yujyeta nara.h kartaa kadaacana||44
SP0270451: sarvaavastho .api paapaatmaa j~naanani.s.thena cetasaa|
SP0270452: yo .abhyarcayati maa.m nitya.m sa mamaatmasamo bhavet||45
SP0270461: .sa.da"ngena ca yogena yo maamarcayate sadaa|
SP0270462: pravi"seta sa maa.m k.sipramatra naasti vicaara.naa||46
SP0270471: yo .apyasajjanarato viyonija.h paatakairapi samanvita.h sadaa|
SP0270472: so .api madgatamanaa madarpa.no yaati devi gatimapratarkitaam||47
SP0279999: iti skandapuraa.ne saptavi.m"satitamo .adhyaaya.h||