SP0250010: sanatkumaara uvaaca| 
SP0250011: tatastatraagataandevaandevataadhipatirbhava.h| 
SP0250012: maruta.h praaha sampuujya kanyaartha.m sadasatpati.h|| 
SP0250021: maruto ye mahaavegaa mahaasattvaa mahaujasa.h| 
SP0250022: aamantrya naamnaa taanii"sa.h sa"sakra.h sapitaamaha.h|| 
SP0250031: yu.smaaka.m suya"saa kanyaa subhagaa divyaruupi.nii| 
SP0250032: daatumarhatha taa.m subhruu.m snu.saa.m mahya.m mahaabalaa.h|| 
SP0250040: maruta uucu.h| 
SP0250041: tvamasmaaka.m ca tasyaa"sca sarvasya jagatastathaa| 
SP0250042: prabhavi.s.nustriloke"sa na tu yaacitumarhasi|| 
SP0250051: tvayaiva deyaa graahyaa ca tva.m no gatiranuttamaa| 
SP0250052: maa na.h paraanive"saana yaacanena vibhaavaya|| 
SP0250061: pitaa na.h ka"syapa.h "sriimaanmariici"sca pitaamaha.h| 
SP0250062: pitaamahapitaa brahmaa tasyaapi tva.m pitaamaha.h| 
SP0250063: sa tva.m pitaamaho .asmaaka.m na paraankartumarhasi|| 
SP0250071: sa evamukto deve"so marudbhirdevasattamai.h| 
SP0250072: suya"saa.m marutaa.m kanyaamaanayaamaasa tatk.sa.naat|| 
SP0250081: svaya.m hotaasya tatraasiidbrahmaa lokapitaamaha.h| 
SP0250082: ka"syapa"sca tathodgaataa atri.h saama svaya.m jagau| 
SP0250083: atharvaa"ngirasau devau brahmatvamapi cakratu.h|| 
SP0250091: naarada.h parvata"scaiva citrasena"sca gaayana.h| 
SP0250092: vi"svaavasuu ruci"scaiva haahaa huuhuu tathaiva ca|| 
SP0250101: tathaa "saali"siraa ya"sca vi"sruto ga.n.dama.n.daka.h| 
SP0250102: iiti"scaivendravaaha"sca yaj~navaaho .atha dak.si.na.h| 
SP0250103: ete caanye ca gandharvaa jagurmadhuraka.n.thina.h|| 
SP0250111: urva"sii caiva rambhaa ca gh.rtaacii puurvacittyapi| 
SP0250112: tilottamaa ca vi"svaacii anyaa"scaapsarasa.h "subhaa.h| 
SP0250113: an.rtyanta mahaabhaagaa n.rtta.m suramanoharam|| 
SP0250120: sanatkumaara uvaaca| 
SP0250121: sa evamabhavadvyaasa vivaahastasya dhiimata.h| 
SP0250122: nandino ga.namukhyasya anaupamyo hyanindita.h|| 
SP0250131: tata.h sa tu k.rtodvaaho nandii gatvaa mahaamanaa.h| 
SP0250132: paadaanvavande devasya devyaa brahma.na eva ca| 
SP0250133: "silaadasya ca loke"sa.h "sriyaa paramayaa yuta.h|| 
SP0250140: deva uvaaca| 
SP0250141: vara.m v.r.nii.sva putra tva.m snu.saa ceya.m tava priyaa| 
SP0250142: vara.m dadaami te vatsa anayaa sahamiipsitam|| 
SP0250150: nandyuvaaca| 
SP0250151: bhagavanyadi tu.s.to .asi tvayi bhaktird.r.dhaastu me| 
SP0250152: sadaa ca tu.s.to bhava me saamba.h saha ga.ne"svarai.h|| 
SP0250161: pitara.m caiva me deva utpaadakamima.m prabho| 
SP0250162: anugrahe.na yuktena yoktumarhasi kaamada|| 
SP0250170: deva uvaaca| 
SP0250171: sadaaha.m tava nandii"sa sutu.s.ta.h saga.ne"svara.h| 
SP0250172: paarvatyaa sahito dhiimannida.m ca "s.r.nu me vaca.h|| 
SP0250181: sade.s.ta"sca vari.s.tha"sca paramai"svaryasa.myuta.h| 
SP0250182: mahaayogii mahe.svaaso mahaabalaparaakrama.h|| 
SP0250191: ajayya"scaiva jetaa ca puujyejya"sca sadaa bhava| 
SP0250192: aha.m yatra bhavaa.mstatra yatra tva.m tatra caapyaham|| 
SP0250201: aya.m ca te pitaa vipra.h paramai"svaryasa.myuta.h| 
SP0250202: bhavi.syati ga.naadhyak.so mahaaga.napatirmama|| 
SP0250211: parvata.m caasya vaibhraaja.m kaamaga.m sarvakaa~ncanam| 
SP0250212: upeta.m bhavanairdivyai.h prayacchaami janaav.rtam| 
SP0250213: tenaaya.m sarvaloke.su cari.syati yathepsitam|| 
SP0250221: sthaana.m "sriiparvate caasya bhavi.syati supuujitam| 
SP0250222: bh.rgau tasmi.m"sca ya.h praa.naa.mstyak.syate vai sudhaarmika.h| 
SP0250223: sa kaamacaarii vaibhraaje ga.napo .asya bhavi.syati|| 
SP0250230: sanatkumaara uvaaca| 
SP0250231: tato devii mahaabhaagaa "sailaaderadadadvaram| 
SP0250232: so .abraviittvayi bhaktirme sadaivaanapagaa bhavet|| 
SP0250241: tato marutsutaa caiva ubhaabhyaamapi coditaa| 
SP0250242: vara.m v.r.nu yathe.s.ta.m vai taavida.m pratyuvaaca ha|| 
SP0250251: yuvayorastu bhaktirme tathaa bhartari caiva hi| 
SP0250252: nitya.m caanapagaa syaanme dharme ca matiruttamaa| 
SP0250253: etadicchaami deve"sau vara.m varasahasradau|| 
SP0250260: sanatkumaara uvaaca| 
SP0250261: tatastaavevametatte bhaviteti "sucismite| 
SP0250262: uucaturmuditau devau snu.saa.m taa.m varavar.niniim|| 
SP0250271: ga.naa"scaasya tato .abhyetya sarve devapriyepsayaa| 
SP0250272: vara.m dadurmahaasattvaa.h sa vavre kaa~ncanaprabha.h|| 
SP0250281: yu.smaasu mama bhakti"sca ai"svarya.m caapi sa.mmatam| 
SP0250282: va"syaa"sca yuuya.m sarve me priyo yu.smaakameva ca|| 
SP0250290: ga.naa uucu.h| 
SP0250291: bhavaanmantaanumantaa ca gatiraagatireva ca| 
SP0250292: asmaakamii"sa.h sarve.saa.m devaanaamapi ce"svara.h|| 
SP0250301: ku.smaa.n.daanaa.m vari.s.tha"sca rudraa.naa.m tva.m mahaabala.h| 
SP0250302: iitiinaa.m dvaarapaala"sca pramathaanaa.m tathaiva ca|| 
SP0250311: mahaabalo mahaayogii senaaniistva.m hi no mata.h| 
SP0250312: tva.m bhuuto bhuutanetaa ca naayako .atha vinaayaka.h|| 
SP0250321: grahaa.naamadhipa"scaiva ugrada.n.dadharastathaa| 
SP0250322: tvamagrayodhii "satrughnastva.m viirastva.m divaspati.h|| 
SP0250331: mahaanubhaavastva.m caiva k.siirodanilaya"sca ha| 
SP0250332: japye"svaraniketa"sca japye"svaravibhaavita.h|| 
SP0250341: bhaavana.h sarvabhuutaanaa.m varado varadaarcita.h| 
SP0250342: asmaaka.m varada"scaiva bhava bhuute"svara prabho|| 
SP0250350: sanatkumaara uvaaca| 
SP0250351: sa eva.m ga.napai.h sarvai.h stuto nandii"svaro vibhu.h| 
SP0250352: uvaaca pra.nata.h sarvaanbruuta ki.m karavaa.ni va.h|| 
SP0250361: ta evamuktaa ga.napaa.h sarva eva mahaabalaa.h| 
SP0250362: uucusta.m divyabhaavaj~naa devadevasya sa.mnidhau|| 
SP0250371: tvamasmaaka.m ga.naadhyak.sa.h k.rto devena "sambhunaa| 
SP0250372: asmaabhi"scaabhi.siktastva.m naayako dharmadaayaka.h|| 
SP0250381: sa tva.m "siva"sca saumya"sca gu.navaanagu.ne.svapi| 
SP0250382: k.samaa"saucadamopeto bhava na.h priyak.rtsadaa|| 
SP0250390: sanatkumaara uvaaca| 
SP0250391: evamuktastadaa sarvaanpra.namya bahumaanata.h| 
SP0250392: "sirasya~njalimaadhaaya ga.napaanastuvattadaa|| 
SP0250400: nandyuvaaca| 
SP0250401: namo va.h sarvabhuutebhyo namo yogibhya eva ca| 
SP0250402: nama"scaapyaniketebhyo yogii"sebhyo namastathaa|| 
SP0250411: nama.h kaamacarebhya"sca nama ugrebhya eva ca| 
SP0250412: m.rtyubhya"sca yamebhya"sca kaalebhya"sca namo nama.h|| 
SP0250421: nama.h kaa~ncanamaalebhya.h sarvadharmibhya eva ca| 
SP0250422: namo vo vadhakebhya"sca avadhyebhyastathaiva ca|| 
SP0250431: nama.h paramayogibhyo ja.tibhya"sca namo nama.h| 
SP0250432: namo vo .ad.r"syaruupebhyo vik.rtebhyastathaiva ca|| 
SP0250441: namo valkalavaasebhya.h k.rttivaasebhya eva ca| 
SP0250442: nama.h "svetaambarasragbhya"scitrasragbhyo namo nama.h|| 
SP0250451: dhaavadbhya"sca dravadbhya"sca prasthitebhyo namo nama.h| 
SP0250452: namo munibhyo gaayadbhyo japadbhya"sca namo nama.h|| 
SP0250461: nama.h "sarabharuupebhya.h "sataruupebhya eva ca| 
SP0250462: nama.h parvatavaasebhyo vyaaghraruupebhya eva ca|| 
SP0250471: namo maarjaararuupebhya.h kaakakokebhya eva ca| 
SP0250472: namo daivataruupebhya.h pavanebhyastathaiva ca|| 
SP0250481: namo .agnibhyastathaadbhya"sca varu.nebhyastathaiva ca| 
SP0250482: namo dhane"saruupebhya.h sarvaruupibhya eva ca|| 
SP0250491: nama"scodaravaktrebhya.h sarvavaktrebhya eva ca| 
SP0250492: namo vaamanaruupebhyo vaamaruupebhya eva ca|| 
SP0250501: devaasuramanu.syaa.naamaapyaayibhyo namo nama.h| 
SP0250502: namo va.h sarvabhuutaanaa.m namo va.h sarvata.h "subhaa.h|| 
SP0250511: grahebhya"sca namo vo .astu mok.sebhya"sca namastathaa| 
SP0250512: "subhebhya"sca namo vo .astu a"subhebhyastathaiva ca| 
SP0250513: mama saumyaa.h "sivaa"scaiva bhavantu ga.nanaayakaa.h|| 
SP0250521: iti stutaa ga.napatayo mahaabalaa.h "subhairvacobhi.h sura"satrunaa"sanaa.h| 
SP0250522: di"santu me sukhamatula.m sukhapradaa bala.m ca viirya.m sthirataa.m ca sa.myuge|| 
SP0250531: tapo .ak.saya.m sthaanamathaatulaa.m gati.m ya"sastathaagrya.m bahu dharmanityataam| 
SP0250532: di"santu sarva.m manasepsita.m ca me sure"svaraa.h pu.s.timanuttamaa.m tathaa|| 
SP0250540: sanatkumaara uvaaca| 
SP0250541: imau nandiga.nendraa.naa.m stavau yo .adhyeti nitya"sa.h| 
SP0250542: so .a"svamedhaavabh.rthavatsarvapaapai.h pramucyate|| 
SP0250551: sandhyaayaamaparasyaa.m tu japanpaapa.m divaak.rtam| 
SP0250552: puurvasyaa.m sa.mtyajedvaapi sarvaraatrik.rta.m japan|| 
SP0250560: sanatkumaara uvaaca| 
SP0250561: tataste ga.napaa.h sarve sa.mstutaastena dhiimataa| 
SP0250562: nis.r.s.taa"sca tadaa jagmu.h pra.nipatya v.r.sadhvajam|| 
SP0250571: devaa"sca sarvalokaa"sca tato deva.h svaya.m prabhu.h| 
SP0250572: s.r.s.tvaa nandii"svarag.rha.m pradaaya ca mahaamanaa.h| 
SP0250573: iipsita.m saha devyaa vai jagaama sthaanamavyayam|| 
SP0250581: ya ima.m nandino janma varadaana.m tathaiva ca| 
SP0250582: abhi.seka.m vivaaha.m ca pa.thedvaa "sraavayiita vaa| 
SP0250583: braahma.na.h sa m.rto yaati nandii"svarasalokataam|| 
SP0250591: yo niyatastu pa.thetprayataatmaa sarvamima.m pra.nato bhavabhaktyaa| 
SP0250592: so .api gata.h paralokavicaarii nandisamo .anucaro hi mama syaat|| 
SP0259999: iti skandapuraa.ne pa~ncavi.m"satimo .adhyaaya.h||