SP0240010: sanatkumaara uvaaca| 
SP0240011: te ga.ne"saa mahaasattvaa.h sarve deve"svare"svaraa.h| 
SP0240012: pra.namya deva.m devii.m ca ida.m vacanamabruvan|| 
SP0240021: bhagavandevataarighna devadevaambikaapate| 
SP0240022: kimartha.m vayamaahuutaa aaj~naapaya k.rta.m hi tat|| 
SP0240031: ki.m saagaraa~ncho.sayaamo yama.m vaa saha ki.mkarai.h| 
SP0240032: hanmo m.rtyumutaam.rtyurna bhavatvadya padmaja.h|| 
SP0240041: baddhvendra.m saha devai"sca savi.s.nu.m saha vaayunaa| 
SP0240042: aanayaama.h susa.mkruddhaa daityaanvaa saha daanavai.h|| 
SP0240051: kasyaadya vyasana.m ghora.m kari.syaamastavaaj~nayaa| 
SP0240052: kasya vaadyotsava.m deva sarvakaamasam.rddhimat|| 
SP0240061: taa.mstathaavaadina.h sarvaannamato bhaktavatsala.h| 
SP0240062: uvaaca deva.h sampuujya ga.naanga.napatirbhava.h|| 
SP0240070: deva uvaaca| 
SP0240071: "s.r.nudhva.m yatk.rte yuuyamihaahuutaa jagaddhitaa.h| 
SP0240072: "srutvaa ca prayataatmaana.h kurudhva.m tada"sa"nkitaa.h|| 
SP0240081: nandii"svaro .aya.m putro na.h sarve.saamii"svare"svara.h| 
SP0240082: priyo .agranaayaka"scaiva senaaniirva.h samaahita.h|| 
SP0240091: tamima.m mama sa.mde"saadyuuya.m sarve .abhisa.mmataa.h| 
SP0240092: senaanyamabhi.si~ncadhva.m mahaayogapati.m patim|| 
SP0240101: adyaprabh.rti yu.smaakamaya.m nandii"svara.h "subha.h| 
SP0240102: priyo gauravayukta"sca senaaniiramara.h prabhu.h|| 
SP0240110: sanatkumaara uvaaca| 
SP0240111: evamukte bhagavataa ga.napaa.h sarva eva te| 
SP0240112: evamastviti sa.mmantrya sambhaaraanaahara.mstata.h|| 
SP0240121: tasya ruupaa"sraya.m divya.m jaambuunadamaya.m "subham| 
SP0240122: aasana.m merusa.mkaa"sa.m manoramamathaaharan|| 
SP0240131: "saatakumbhamaya.m caapi caarucaamiikaraprabham| 
SP0240132: muktaadaamaavalamba.m ca ma.niratnaavabhaasitam|| 
SP0240141: stambhai"sca vai.duuryamayai.h ki"nki.niijaalasa.mv.rtam| 
SP0240142: caaruratnakasa.myukta.m ma.n.dapa.m vi"svatomukham| 
SP0240143: k.rtvaa cakru"sca tanmadhye tadaasanavara.m "subham|| 
SP0240151: tasyaagrata.h paadapii.tha.m niila.m vajraavabhaasitam| 
SP0240152: cakru.h paadaprati.s.thaartha.m kala"sau caasya paar"svagau| 
SP0240153: sampuur.nau paramaambhobhiraravindaav.rtaananau|| 
SP0240161: agrato .agni.m samaadhaaya v.r.sabha.m caapi paar"svata.h| 
SP0240162: savatsaa.m surabhi.m caapi tasya paar"sve .atha dak.si.ne|| 
SP0240171: chattra.m "sata"salaaka.m ca jaambuunadamaya.m "subham| 
SP0240172: "sa"nkhahaaraambugaure.na p.r.s.thenaabhiviraajitam|| 
SP0240181: vyajana.m candra"subhra.m ca hemada.n.da.m sucaarumat| 
SP0240182: maalaa.m ku"se"sayaanaa.m ca bhramaraavalisevitaam|| 
SP0240191: aaninyustatra ga.napaa nandyaavartaa.m"sca kaa~ncanaan| 
SP0240192: punarvasu.m ca pu.sya.m ca dvau matsyau varu.naalayau|| 
SP0240201: svastika.m vardhamaana.m ca "sriivatsa.m caiva kaa~ncanam| 
SP0240202: kiicakaa ve.nava"scaiva kanyaa caivaabhipuujitaa|| 
SP0240211: airaavata.m supratiika.m gajaavetau ca puujitau| 
SP0240212: dhvaja.m ca puujita.m divya.m "sa"nkha.m caivenduvarcasam|| 
SP0240221: kala"saanaa.m sahasra.m ca kaa~ncanaanaa.m suvarcasaam| 
SP0240222: raajataanaa.m sahasra.m ca paarthivaanaa.m tathaiva ca|| 
SP0240231: taamraa.naamatha divyaanaa.m sahasramanalatvi.saam| 
SP0240232: vaasoyuga.m v.rk.saja.m ca viraja.h suuk.smameva ca|| 
SP0240241: muku.ta.m kaa~ncana.m caiva suk.rta.m vi"svakarma.naa| 
SP0240242: ku.n.dale caamale divye vajra.m caiva varaayudham|| 
SP0240251: pa.t.tisa.m ca mahaddivya.m "suula.m caa"sanimeva ca| 
SP0240252: jaambuunadamaya.m suutra.m keyuuradvayameva ca|| 
SP0240261: haara.m ca ma.nicitraa"nga.m rocanaarucaka.m tathaa| 
SP0240262: {}nalabhaa.m paariyaatra.m ca var.sa.m ka"nka.nimeva ca{}|| 
SP0240271: darbhaa.m"sca divyaa.m samidhamaajya.m dhuupamathaapi ca| 
SP0240272: samantaanninyuravyagraa ga.napaa devasa.mmataa.h|| 
SP0240281: tato di"sa.h samudraa"sca varu.na.h sadhane"svara.h| 
SP0240282: yamo .agnirvasava"scaiva candraadityau grahai.h saha|| 
SP0240291: taaraaruupaa.ni sarvaa.ni nak.satraa.ni dhruvastathaa| 
SP0240292: rudraa rak.saa.msi yak.saa"sca a"svinau daityadaanavaa.h|| 
SP0240301: gandharvaapsarasa"scaiva naarada.h parvatastathaa| 
SP0240302: p.rthivii ca samudraa"sca var.saa.ni girayastathaa|| 
SP0240311: v.rk.saa"sca viirudha"scaiva o.sadhya"sca mahaabalaa.h| 
SP0240312: nadya.h sarvaa.h samaajagmu.h pa"sava"scaiva sarva"sa.h|| 
SP0240321: lokasya maatara"scaiva p.rthivii svarga eva ca| 
SP0240322: bhuutaani prak.rti"scaiva indriyaa.ni ca sarva"sa.h|| 
SP0240331: tiirthaani caiva sarvaa.ni daanaani vividhaani ca| 
SP0240332: .rco yajuu.m.si saamaani atharvaa"ngirasaavapi|| 
SP0240341: yaj~naa"sca kratava"scaiva i.s.tayo niyamaastathaa| 
SP0240342: chandaa.msi caiva sarvaa.ni pi"saacaa devayonaya.h| 
SP0240343: brahmaa ca .r.saya"scaiva vi.s.nu.h saanucarastathaa|| 
SP0240351: te.svaagate.su sarve.su bhagavaangov.r.sadhvaja.h| 
SP0240352: sarvakaaryavidhi.m kartumaadide"sa pitaamaham|| 
SP0240361: ekaika.m kala"sa.m tatra sarvau.sadhisamanvitam| 
SP0240362: k.rtvaadbhi.h puurayitvaa ca ku"se"sayamukhaav.rtam|| 
SP0240371: jayaa.m ca vijayaa.m caiva si.mhii.m vyaaghrii.m tathaiva ca| 
SP0240372: suvarcalaa.m "sa"nkhapu.spii.m vi.s.nukraantaa.m punarnavaam|| 
SP0240381: kumaarii.m candrakaantaa.m ca m.rtasa.mjiivaniimapi| 
SP0240382: aadityavarcasa.m caiva am.rtaa.m "sriiniketanaam|| 
SP0240391: tathaa kumudvatii.m caiva praak.sipa.mste.svathau.sadhii.h| 
SP0240392: paarthive.su tadaa vyaasa sarve.sveva ga.ne"svaraa.h|| 
SP0240401: sauvar.ne.su tu sarve.su tiirthaani vividhaani ca| 
SP0240402: daanaani caiva sarvaa.ni bhagavaansa.mnyave"sayat|| 
SP0240411: raajate.su ca kumbhe.su mantraa.m"schandaa.msi caiva ha| 
SP0240412: kratuunanyaa.m"sca vividhaa i.s.tii.h kaamyaa.mstathetaraan|| 
SP0240421: audumbare.su sarve.su sarita.h saagaraa.mstathaa| 
SP0240422: tapaa.msi niyamaa.m"scaiva bhagavaanabhyavinyasat|| 
SP0240431: ekaika.m kala"sa.m tatra abhipuuryaabhimantrya ca| 
SP0240432: ve.s.tayitvaa ca suutre.na devebhya.h pradadau vibhu.h|| 
SP0240441: sa jagraaha tadaa brahmaa eka.m kala"samaatmanaa| 
SP0240442: vi.s.nave ca dadaavekamekamindraaya dhiimate| 
SP0240443: ga.napebhyastathaa caanyaan.r.sibhya"sca pitaamaha.h|| 
SP0240451: tatastamaasane tasminnupave"sya mahaamanaa.h| 
SP0240452: arcayitvaa tato brahmaa svayamevaabhya.si~ncata|| 
SP0240461: tato vi.s.nustata.h "sakro .r.saya"sca sahaamarai.h| 
SP0240462: ga.naadhipaa"sca sarve te abhya.si~ncanta nandinam|| 
SP0240471: vaasoyuga.m ca taddivya.m gandhaandivyaa.mstathaiva ca| 
SP0240472: keyuure ku.n.dale caiva muku.ta.m haarameva ca| 
SP0240473: pa.t.tisa.m "suulavajre ca a"sanii.m ca dadau svayam|| 
SP0240481: chattra.m jagraaha devendro vaayurvyajanameva ca| 
SP0240482: .r.sayastu.s.tuvu"scaiva pitaamahapurogamaa.h|| 
SP0240490: vi.s.nuruvaaca| 
SP0240491: nama.h ku.smaa.n.daraajaaya vajrodyatakaraaya ca| 
SP0240492: "saala"nkaayanapautraaya halamaargotthitaaya ca|| 
SP0240501: "silaadasya ca putraaya rudrajapyakaraaya ca| 
SP0240502: rudrabhaktaaya devaaya namo .antarjala"saayine|| 
SP0240511: ga.naanaa.m pataye caiva bhuutaanaa.m pataye nama.h| 
SP0240512: umaaputraaya devaaya pa.t.tisaayudhadhaari.ne|| 
SP0240521: namo da.m.s.traakaraalaaya lalaa.tanayanaaya ca| 
SP0240522: pramathaaya vare.nyaaya ii"saanaayaarpitaaya ca|| 
SP0240531: dvaaraadhyak.saaya "suuraaya suya"saapataye nama.h| 
SP0240532: nama.h pravaramaalaaya k.siirodanilayaaya ca|| 
SP0240541: mahaaga.naadhipataye mahaayoge"svaraaya ca| 
SP0240542: di.n.dimu.n.daaya ca.n.daaya ekaak.sararataaya ca|| 
SP0240551: ak.sayaayaam.rtaayaiva ajaraayaamaraaya ca| 
SP0240552: pa"suunaa.m pataye caiva jetre m.rtyostathaiva ca|| 
SP0240561: nama.h pavanavegaaya sarvaj~naayaajitaaya ca| 
SP0240562: aneka"sirase caiva anekacara.naaya ca|| 
SP0240571: kirii.tine ku.n.daline mahaaparighabaahave| 
SP0240572: sarvaandevaanga.naa.m"scaiva paahi deva namo .astu te|| 
SP0240580: sanatkumaara uvaaca| 
SP0240581: eva.m stutvaa tato devastasmai vyaasa mahaatmane| 
SP0240582: praa~njali.h prayato bhuutvaa jaya"sabda.m cakaara ha|| 
SP0240591: tato ga.naa jayetyuucustato devaastato .asuraa.h| 
SP0240592: tata.h sarvaa.ni bhuutaani brahmaa "sakrastathaiva ca|| 
SP0240601: tata.h "sa"nkhaa.m"sca bherii.m"sca pa.tahaa.dambaraa.mstathaa| 
SP0240602: va.m"saa.m"sca pa.navaa.m"scaiva k.rkavaangovi.saa.nikaan|| 
SP0240611: di.n.dimaanve.nukaa.m"scaiva mardalaa.m"scaiva sarva"sa.h| 
SP0240612: avaadayanta ga.napaa har.sayanto mudaa yutaa.h|| 
SP0240620: sanatkumaara uvaaca| 
SP0240621: nandii"svarasya ya ima.m stava.m devaabhinirmitam| 
SP0240622: pa.theta satata.m martya.h sa gacchenmama lokataam|| 
SP0240631: namo nandii"svaraayeti k.rtvaa ya.h svapnamaacaret| 
SP0240632: tasya ku.smaa.n.daraajebhyo na bhaya.m vidyate kvacit|| 
SP0240641: yatraaya.m sthaapyate nitya.m stava.h paramapuujita.h| 
SP0240642: na bhaya.m tatra bhavati grahebhyo vyaasa sarvadaa|| 
SP0240651: nandii"svara.m ye pra.namanti martyaa nitya.m prasannendriya"suddhasattvaa.h| 
SP0240652: te devadevasya sahaadriputryaa i.s.taa vari.s.thaa"sca ga.naa bhavanti|| 
SP0249999: iti skandapuraa.ne caturvi.m"satimo .adhyaaya.h||