SP0210010: sanatkumaara uvaaca| 
SP0210011: nirgato .atha tato nandii jagaama saritaa.m varaam| 
SP0210012: bhuvanaamiti vikhyaataa.m sarvalokasukhaavahaam|| 
SP0210021: taa.m pravi"sya tato dhiimaanekaagro hradamaasthita.h| 
SP0210022: sa jajaapa tadaa rudraanm.rtyorbhiita.h samaahita.h|| 
SP0210031: japataa tena tatraiva tatpare.na tadaa"si.saa| 
SP0210032: ko.tirekaa yadaa japtaa tadaa devastuto.sa ha|| 
SP0210041: tamaagatyaaha bhagavaa~ncharva ugra.h kapardimaan| 
SP0210042: nandi.mstu.s.to .asmi bhadra.m te vara.m v.r.nu yathepsitam|| 
SP0210051: uvaaca pra.nato bhuutvaa pra.nataartihara.m haram| 
SP0210052: dvitiiyaa.m japtumicchaami ko.ti.m bhagavataa.m vibho| 
SP0210053: evamastviti devo .api procyaagacchadyathaagatam|| 
SP0210060: sanatkumaara uvaaca| 
SP0210061: so .avatiirya tato bhuuya.h prayataatmaa tathaiva ha| 
SP0210062: jajaapa ko.timanyaa.m tu rudramevaanucintayan|| 
SP0210071: dvitiiyaayaa.m tata.h ko.tyaa.m sampuur.naayaa.m v.r.sadhvaja.h| 
SP0210072: abhyaajagaama ta.m caiva varado .asmiityabhaa.sata|| 
SP0210081: sa praaha bhagavanko.ti.m t.rtiiyaamapi kaalahan| 
SP0210082: japtumicchaami deve"sa tvatprasaadaadaha.m vibho|| 
SP0210091: evamastviti bhuuyo .api bhagavaanpratyuvaaca ha| 
SP0210092: uktvaa jagaama sva.m ve"sma devyaa saha mahaadyuti.h|| 
SP0210101: tatast.rtiiyaa.m rudraa.naa.m ko.timanyaa.m jajaapa ha| 
SP0210102: yugaantaadityasa.mkaa"sastata.h samabhavaddvija.h|| 
SP0210111: tasya ko.tiitraye vyaasa samaapte jvalanatvi.sa.h| 
SP0210112: soma.h saha ga.nairdevasta.m de"samupacakrame|| 
SP0210121: sa ta.m kare.na sa.mg.rhya uddh.rtya salilaacca ha| 
SP0210122: sa.mm.rjaano .agrahastena nandina.m kaalahaabraviit|| 
SP0210130: deva uvaaca| 
SP0210131: "sailaade varado .aha.m te tapasaanena to.sita.h| 
SP0210132: saadhu japta.m tvayaa dhiimanbruuhi yatte manogatam|| 
SP0210140: "sailaadiruvaaca| 
SP0210141: japeya.m ko.timanyaa.m tu bhuuyo .api tava tejasaa| 
SP0210142: varameta.m v.r.ne deva yadi tu.s.to .asi me vibho|| 
SP0210150: bhagavaanuvaaca| 
SP0210151: ki.m te japtena bhuuyo .api tu.s.to .asmi tava sarvathaa| 
SP0210152: yadyattva.m v.r.nu.se kaama.m sarva.m tatpradadaani te|| 
SP0210161: brahmatvamatha vi.s.nutvamindratvamatha vaayutaam| 
SP0210162: aadityo bhava rudro vaa bruuhi ki.m vaa dadaani te|| 
SP0210170: sanatkumaara uvaaca| 
SP0210171: sa evamukto devena "sirasaa paadayornata.h| 
SP0210172: tu.s.taava purakaamaa"ngakratuparvatanaa"sanam|| 
SP0210180: nandyuvaaca| 
SP0210181: namo devaatidevaaya mahaadevaaya vai nama.h| 
SP0210182: nama.h kaamaa"nganaa"saaya niilaka.n.thaaya vai nama.h|| 
SP0210191: namastu.sitanaa"saaya trailokyadahanaaya ca| 
SP0210192: nama.h kaalograda.n.daaya ugrada.n.daaya vai nama.h|| 
SP0210201: namo niila"sikha.n.daaya sahasra"sirase nama.h| 
SP0210202: sahasrapaa.naye caiva sahasracara.naaya ca|| 
SP0210211: sarvata.hpaa.nipaadaaya sarvatok.simukhaaya ca| 
SP0210212: sarvata.h"srutaye caiva sarvamaav.rtya ti.s.thate|| 
SP0210221: namaste rukmavar.naaya tathaivaatiindriyaaya ca| 
SP0210222: nama.h kanakali"ngaaya sarvali"ngaaya vai nama.h|| 
SP0210231: nama"scandraarkavar.naaya yoge"saayaajitaaya ca| 
SP0210232: pinaakapaa.naye caiva "suulamudgarapaa.naye|| 
SP0210241: gadine kha.dgine caiva para"svadhadharaaya ca| 
SP0210242: rathine varmi.ne caiva mahe.svaasaaya vai nama.h|| 
SP0210251: namastri"suulahastaaya ugrada.n.dadharaaya ca| 
SP0210252: namo ga.naadhipataye rudraa.naa.m pataye nama.h|| 
SP0210261: nama.h sahasranetraaya "satanetraaya vai nama.h| 
SP0210262: aadityaanaa.m ca pataye vasuunaa.m pataye nama.h|| 
SP0210271: nama.h p.rthivyaa.h pataye aakaa"sapataye nama.h| 
SP0210272: nama.h svarlokapataye umaayaa.h pataye nama.h|| 
SP0210281: namo yogaadhipataye sarvayogapradaaya ca| 
SP0210282: dhyaanine dhyaayamaanaaya dhyaanibhi.h sa.mstutaaya ca|| 
SP0210291: m.rtyave kaalada.n.daaya yamaaya ca mahaatmane| 
SP0210292: devaadhipataye caiva divyasa.mhananaaya ca|| 
SP0210301: yaj~naaya vasudaanaaya svargaayaajanmadaaya ca| 
SP0210302: savitre sarvadevaanaa.m dharmaayaanekaruupi.ne|| 
SP0210311: am.rtaaya vare.nyaaya sarvadevastutaaya ca| 
SP0210312: brahma.na"sca "sirohartre yaj~nasya ca mahaatmana.h|| 
SP0210321: tripuraghnaaya cograaya sarvaa"subhaharaaya ca| 
SP0210322: umaadehaardharuupaaya lalaa.tanayanaaya ca|| 
SP0210331: mahi.saandhakabhettaaya sra.s.tre vai parame.s.thine| 
SP0210332: brahma.no gurave caiva brahma.no janakaaya ca|| 
SP0210341: kumaaragurave caiva kumaaravaradaaya ca| 
SP0210342: haline mu.salaghnaaya mahaahaasaaya vai nama.h|| 
SP0210351: m.rtyupaa"sograhastaaya tak.sakabrahmasuutri.ne| 
SP0210352: savidyudghanavaahaaya tathaiva v.r.sayaayine|| 
SP0210361: himavadvindhyavaasaaya meruparvatavaasine| 
SP0210362: kailaasavaasine caiva dhane"svarasakhaaya ca|| 
SP0210371: vi.s.nordehaardhadattaaya tasyaiva varadaaya ca| 
SP0210372: sarvabhuutaasamaj~naaya sarvabhuutaanukampine|| 
SP0210381: antarbhuutaadhibhuutaaya praa.ninaa.m jiivadaaya ca| 
SP0210382: manase manyamaanaaya atimaanaaya caiva hi|| 
SP0210391: budhyamaanaaya buddhaaya dra.s.tre vai cak.su.se nama.h| 
SP0210392: namaste spar"sayitre ca tathaiva spar"sanaaya ca|| 
SP0210401: namaste rasayitre ca tathaiva rasanaaya ca| 
SP0210402: namo ghraa.naaya ghraatre ca "srotre "srotraaya caiva hi| 
SP0210403: hastine caiva hastaaya tathaa paadaaya paadine|| 
SP0210411: namo .astvaanandakartre ca aanandaaya ca vai nama.h| 
SP0210412: vaace .atha vaagmine caiva tanmaatraaya mahaatmane|| 
SP0210421: suuk.smaaya caiva sthuulaaya sattvaaya rajase nama.h| 
SP0210422: nama"sca tamase nitya.m k.setraj~naayaajitaaya ca|| 
SP0210431: vi.s.nave lokatantraaya prajaanaa.m pataye nama.h| 
SP0210432: manave sapta.r.saye tapyamaanaaya taapine|| 
SP0210441: brahma.nyaayaatha "suddhaaya tathaa durvaasase nama.h| 
SP0210442: "silpine "silpanaathaaya vidu.se vi"svakarma.ne|| 
SP0210451: atraye bh.rgave caiva tathaivaa"ngirase nama.h| 
SP0210452: pulahaaya pulastyaaya kratudak.saanalaaya ca|| 
SP0210461: dharmaaya rucaye caiva vasi.s.thaaya namo .astu te| 
SP0210462: bhuutaaya bhuutanaathaaya ku.smaa.n.dapataye nama.h|| 
SP0210471: ti.s.thate dravate caiva gaayate n.rtyate .api ca| 
SP0210472: ava"syaayaapyavadhyaaya ajaraayaamaraaya ca|| 
SP0210481: ak.sayaayaavyayaayaiva tathaapratihataaya ca| 
SP0210482: anaave"syaaya sarve.saa.m d.r"syaayaad.r"syaruupi.ne|| 
SP0210491: suuk.smebhya"scaapi suuk.smaaya sarvagaaya mahaatmane| 
SP0210492: namaste bhagava.mstryak.sa namaste bhagava~nchiva| 
SP0210493: namaste sarvaloke"sa namaste lokabhaavana|| 
SP0210501: na me devaadhipatyena brahmatvenaathavaa puna.h| 
SP0210502: na vi.s.nutvena deve"sa naapiindratvena bhuutapa| 
SP0210503: icchaamyaha.m tave"saana ga.natva.m nityamavyayam|| 
SP0210511: nitya.m tvaa.m saga.na.m saamba.m prasanna.m saparicchadam| 
SP0210512: dra.s.tumicchaami deve"sa e.sa me diiyataa.m vara.h|| 
SP0210521: tva.m no gati.h puraa deva tva.m caivaartaayana.m prabhu.h| 
SP0210522: "sara.na.m ca tvamevaatha naanya.m pa"syaami karhicit|| 
SP0210531: tvayaa tyaktasya caivaa"su vinaa"so naatra sa.m"saya.h| 
SP0210532: anyaa.m gati.m na pa"syaami yasyaa aatyantika.m "subham|| 
SP0210541: anurakta.m ca bhakta.m ca tvatpara.m tvadapaa"srayam| 
SP0210542: pratiiccha maa.m sadaa deva e.sa me diiyataa.m vara.h|| 
SP0210550: sanatkumaara uvaaca| 
SP0210551: ya ima.m praatarutthaaya pa.thedavimanaa nara.h| 
SP0210552: sa dehabhedamaasaadya nandii"svarasamo bhavet|| 
SP0210561: ya"scema.m "s.r.nuyaannitya.m "sraavayedvaa dvijaati.su| 
SP0210562: so .a"svamedhaphala.m praapya rudraloke mahiiyate|| 
SP0210571: "srutvaa sak.rdapi hyeta.m stava.m paapapra.naa"sanam| 
SP0210572: yatra tatra m.rto vyaasa na durgatimavaapnuyaat|| 
SP0210581: yo .adhiitya nitya.m stavametamagrya.m deva.m sadaabhyarcayate yataatmaa| 
SP0210582: ki.m tasya yaj~nairvividhai"sca daanaistiirthai.h sutaptai"sca tathaa tapobhi.h|| 
SP0219999: iti skandapuraa.na ekavi.m"satimo .adhyaaya.h||