SP0200010: vyaasa uvaaca| 
SP0200011: umaaharau tu deve"sau cakraturyacca sa.mgatau| 
SP0200012: tanme sarvama"se.se.na kathayasva mahaamune|| 
SP0200020: sanatkumaara uvaaca| 
SP0200021: umaaharau tu sa.mgamya parasparamaninditau| 
SP0200022: "saala"nkasyaanvaye vipra.m yuyujaate vare.na ha|| 
SP0200031: sa caapyayonija.h putra aaraadhya parame"svaram| 
SP0200032: rudre.na samataa.m labdhvaa mahaaga.napatirbabhau|| 
SP0200040: vyaasa uvaaca| 
SP0200041: katha.m nandii samutpanna.h katha.m caaraadhya "sa.mkaram| 
SP0200042: samaanatvamagaacchambho.h pratiihaaratvameva ca|| 
SP0200050: sanatkumaara uvaaca| 
SP0200051: abhuud.r.si.h sa dharmaatmaa "silaado naama viiryavaan| 
SP0200052: tasyaabhuucchilakairv.rtti.h "silaadastena so .abhavat|| 
SP0200061: apa"syallambamaanaa.mstu gartaayaa.m sa pit.Rndvija.h| 
SP0200062: vicchinnasa.mtatiinghora.m niraya.m vai prapetu.sa.h|| 
SP0200071: tairukto .apatyakaamaistu deva.m loke"samavyayam| 
SP0200072: aaraadhaya mahaadeva.m sutaartha.m dvijasattama|| 
SP0200081: tasya var.sasahasre.na tapyamaanasya "suuladh.rk| 
SP0200082: "sarva.h somo ga.nav.rto varado .asmiityabhaa.sata|| 
SP0200091: ta.m d.r.s.tvaa somamii"se"sa.m pra.nata.h paadayorvibho.h| 
SP0200092: har.sagadgadayaa vaacaa tu.s.taava vibudhe"svaram|| 
SP0200101: nama.h paramadevaaya mahe"saaya mahaatmane| 
SP0200102: sra.s.tre sarvasure"saanaa.m brahma.na.h pataye nama.h|| 
SP0200111: nama.h kaamaa"nganaa"saaya yogasambhavahetave| 
SP0200112: nama.h parvatavaasaaya dhyaanagamyaaya vedhase|| 
SP0200121: .r.sii.naa.m pataye nitya.m devaanaa.m pataye nama.h| 
SP0200122: vedaanaa.m pataye caiva yoginaa.m pataye nama.h|| 
SP0200131: pradhaanaaya namo nitya.m tattvaayaamarasa.mj~ni.ne| 
SP0200132: varadaaya ca bhaktaanaa.m nama.h sarvagataaya ca|| 
SP0200141: tanmaatrendriyabhuutaanaa.m vikaaraa.naa.m gu.nai.h saha| 
SP0200142: sra.s.tre ca pataye caiva nama"sca prabhavi.s.nave|| 
SP0200151: jagata.h pataye caiva jagatsra.s.tre nama.h sadaa| 
SP0200152: prak.rte.h pataye nitya.m puru.saatparagaamine|| 
SP0200161: ii"svaraaya namo nitya.m yogagamyaaya ra.mhase| 
SP0200162: sa.msaarotpattinaa"saaya sarvakaamapradaaya ca|| 
SP0200171: "sara.nyaaya namo nitya.m namo bhasmaa"ngaraagi.ne| 
SP0200172: namaste .ayograhastaaya tejasaa.m pataye nama.h|| 
SP0200181: suuryaanilahutaa"saambucandraakaa"sadharaaya ca| 
SP0200182: sthitaaya sarvadaa nitya.m namastrailokavedhase|| 
SP0200191: stotavyasya kuto deva vi"sraamastava vidyate| 
SP0200192: yadaa hetustvamevaasya jagata.h sthitinaa"sayo.h|| 
SP0200201: a"sara.nyasya deve"sa tvatta"sca "sara.naarthina.h| 
SP0200202: prasaada.m paramaalambya varado bhava vi"svak.rt|| 
SP0200210: sanatkumaara uvaaca| 
SP0200211: ya.h stotrametadakhila.m pa.thate dvijanmaa praata.h "sucirniyamavaanpurato dvijaanaam| 
SP0200212: ta.m brahmaraak.sasani"saacarabhuutayak.saa hi.msanti no dvipadapannagapuutanaa"sca|| 
SP0200221: tata.h sa bhagavaandeva.h stuuyamaana.h sahomayaa| 
SP0200222: uvaaca varado .asmiiti bruuhi yatte manogatam|| 
SP0200231: tameva.mvaadina.m deva.m "silaado .abhyarcayattadaa| 
SP0200232: uvaaca ceda.m deve"sa.m sa vaacaa sajjamaanayaa|| 
SP0200241: bhagavanyadi tu.s.to .asi yadi deyo vara"sca me| 
SP0200242: icchaamyaatmasama.m putra.m m.rtyuhiinamayonijam|| 
SP0200251: evamuktastato deva.h priiyamaa.nastrilocana.h| 
SP0200252: evamastviti ta.m procya tatraivaantaradhiiyata|| 
SP0200261: gate tasminmahe.svaase .r.si.h paramapuujita.h| 
SP0200262: svamaa"sramamupaagamya .r.sibhyo .akathayattata.h|| 
SP0200271: tai.h pra"sastastata"scaiva kaalena munisattama| 
SP0200272: yiyak.suryaj~nabhuumi.m svaa.m laa"ngalena cakar.sa taam|| 
SP0200281: tasyaa.m tu k.r.syamaa.naayaa.m siitaayaa.m tatsamutthita.h| 
SP0200282: sa.mvartakaanalaprakhya.h kumaara.h pratyad.r"syata|| 
SP0200291: sa ta.m d.r.s.tvaa tathodbhuuta.m kumaara.m diiptatejasam| 
SP0200292: raak.saso .ayamiti j~naatvaa bhayaannopasasaara tam|| 
SP0200301: kumaaro .api tathodbhuuta.h pitara.m diiptatejasam| 
SP0200302: upaasarpata diinaatmaa taata taateti caabraviit|| 
SP0200311: sa taatetyucyamaano .api yadaa ta.m naabhyanandata| 
SP0200312: tato vaayustamaakaa"se "silaada.m praaha susvaram|| 
SP0200320: vaayuruvaaca| 
SP0200321: "saala"nkaayana putraste yo .asau devena "sambhunaa| 
SP0200322: ayonija.h puraa datta.h sa e.sa pratinandaya|| 
SP0200331: yasmaannandiikaraste .aya.m sadaiva dvijasattama| 
SP0200332: tasmaannandiiti naamnaaya.m bhavi.syati sutastava|| 
SP0200340: sanatkumaara uvaaca| 
SP0200341: tata.h sa vaayuvacanaannandina.m pari.sasvaje| 
SP0200342: g.rhiitvaa caa"srama.m svena so .anayattu.s.tivardhanam| 
SP0200343: cuu.dopanayanaadiini karmaa.nyasya cakaara sa.h|| 
SP0200351: k.rtvaa caadhyaapayaamaasa vedaansaa"ngaana"se.sata.h| 
SP0200352: aayurveda.m dhanurveda.m gaandharva.m "sabdalak.sa.nam|| 
SP0200361: hastinaa.m carita.m yacca naranaaryo"sca lak.sa.nam| 
SP0200362: "silpaani caiva sarvaa.ni nimittaj~naanameva ca|| 
SP0200371: bhuutagraamacikitsaa.m ca maat.R.naa.m carita.m ca yat| 
SP0200372: bhuja.mgaanaa.m ca sarve.saa.m yacca ki.mcidvice.s.titam| 
SP0200373: abdairadhiitavaansarva.m vyaasa pa~ncabhireva ca|| 
SP0200381: dak.sa.h "suciradiinaatmaa priyavaaganasuuyaka.h| 
SP0200382: sarvalokapriyo nitya.m manonayananandana.h|| 
SP0200391: tasyaatha saptame var.se .r.sii divyau tapodhanau| 
SP0200392: aa"srama.m samanupraaptau "silaadasya mahaujasau|| 
SP0200401: taavabhyarcya yathaanyaaya.m "silaada.h sumahaatapaa.h| 
SP0200402: sukhaasiinau samaalak.sya aasane paramaarcitau|| 
SP0200411: mitraavaru.nanaamaanau tapoyogabalaanvitau| 
SP0200412: abhij~nau sarvabhuutaanaa.m trailokye sacaraacare|| 
SP0200421: taabhyaamanuj~naata"scaiva ni.sasaada varaasane| 
SP0200422: upavi.s.tastata.h priita i.s.taabhirvaagbhirastuvat|| 
SP0200431: taabhyaa.m p.r.s.ta"sca kaccitte putrastu.s.tiprada.h "subha.h| 
SP0200432: svaadhyaayaniyata.h kaccitkacciddharmasya sa.mtati.h|| 
SP0200441: kaccinna v.rddhaanbaalo na guruunvaapyavamanyate| 
SP0200442: kaccinniyamavaa.m"scaiva kaccittu.s.tiprada.h sataam|| 
SP0200451: sa evamuktastejasvii "silaada.h putravatsala.h| 
SP0200452: uvaaca gu.navaansamyakkulava.m"savivardhana.h|| 
SP0200461: tamaahuuya sa tu.s.tyaa tu putra.m nandinamacyutam| 
SP0200462: tayo.h paade.su "sirasaa apaatayata nandinam|| 
SP0200471: tau tu tasyaa"si.sa.m devau prayu"nkto dharmanityataam| 
SP0200472: guru"su"sruu.sa.ne bhaava.m lokaa.m"scaiva tathaak.sayaan|| 
SP0200480: sanatkumaara uvaaca| 
SP0200481: "silaadastaamathaalak.sya aa"si.sa.m devayostadaa| 
SP0200482: vis.rjya nandina.m bhiita.h so .ap.rcchad.r.sisattamau|| 
SP0200490: "silaada uvaaca| 
SP0200491: bhagavantaav.r.sii satyau gatij~nau sarvadehinaam| 
SP0200492: kimartha.m mama putrasya diirghamaayurubhaavapi| 
SP0200493: prayuktavantau samyaktu naa"si.sa.m munisattamau|| 
SP0200500: mitraavaru.naavuucatu.h| 
SP0200501: tavai.sa tanayastaata alpaayu.h sarvasa.mmata.h| 
SP0200502: ato .anyadvar.sameka.m vai jiivita.m dhaarayi.syati|| 
SP0200510: sanatkumaara uvaaca| 
SP0200511: tata.h sa "sokasa.mtapto nyapatadbhuvi du.hkhita.h| 
SP0200512: vis.rjya .r.si"saarduulaavekaakii vilalaapa ca|| 
SP0200521: tasya "sokaadvilapata.h svara.m "srutvaa suta.h "subha.h| 
SP0200522: nandyaagaattamathaapa"syatpitara.m du.hkhita.m bh.r"sam|| 
SP0200530: nandyuvaaca| 
SP0200531: kena tva.m taata du.hkhena duuyamaana.h prarodi.si| 
SP0200532: du.hkha.m te kuta udbhuuta.m j~naatumicchaamyaha.m pita.h|| 
SP0200540: "silaada uvaaca| 
SP0200541: putra tva.m kila var.se.na jiivita.m samprahaasyasi| 
SP0200542: uucatustaav.r.siityeva.m tato maa.m k.rcchramaavi"sat|| 
SP0200550: nandyuvaaca| 
SP0200551: satya.m deva.r.sii taata na taavan.rtamuucatu.h| 
SP0200552: tathaapi tu na m.rtyurme prabhavi.syati maa "suca.h|| 
SP0200560: "silaada uvaaca| 
SP0200561: ki.m tapa.h ki.m parij~naana.m ko yoga.h ka.h "srama"sca te| 
SP0200562: yena tva.m m.rtyumudyukta.m va~ncayi.syasi kathyataam|| 
SP0200570: nandyuvaaca| 
SP0200571: na taata tapasaa m.rtyu.m va~ncayi.sye na vidyayaa| 
SP0200572: mahaadevaprasaadena m.rtyu.m je.syaami naanyathaa|| 
SP0200581: drak.syaami "sa.mkara.m deva.m tato m.rtyurna me bhavet| 
SP0200582: na.s.te m.rtyau tvayaa saardha.m cira.m vatsyaami nirv.rta.h|| 
SP0200590: "silaada uvaaca| 
SP0200591: mayaa var.sasahasre.na tapastaptvaa sudu"scaram| 
SP0200592: mahaadeva.h puraa d.r.s.to labdhastva.m me yata.h suta.h|| 
SP0200601: bhavaa.mstu var.se.naikena tapasaa naatibhaavita.h| 
SP0200602: katha.m dra.s.taa mahaadevametadicchaami veditum|| 
SP0200610: nandyuvaaca| 
SP0200611: na taata tapasaa devo d.r"syate na ca vidyayaa| 
SP0200612: "suddhena manasaa bhaktyaa d.r"syate parame"svara.h|| 
SP0200621: tvayaa vis.r.s.to gatvaahamacire.na trilocanam| 
SP0200622: dra.s.taa taata na sa.mdeho vis.rjaa"su tatastu maam|| 
SP0200631: ti.s.thanta.m maa.m yamo .abhyetya pa"syataste .abhisa.mmatam| 
SP0200632: na hi.msati tathaa tasmaaditastaata vrajaamyaham|| 
SP0200641: ti.s.thanta.m vaa "sayaana.m vaa dhaavanta.m patita.m tathaa| 
SP0200642: na pratiik.sati vai m.rtyuriti buddhvaa "sama.m vraja|| 
SP0200651: avatiirya jala.m divya.m bhaava.m "suddha.m samaasthita.h| 
SP0200652: abhyasya raudramadhyaaya.m tato drak.syaami "sa.mkaram|| 
SP0200661: japata"scaapi yuktasya rudrabhaavaarpitasya ca| 
SP0200662: na m.rtyukaalaa bahava.h kari.syanti mama vyathaam|| 
SP0200670: sanatkumaara uvaaca| 
SP0200671: tameva.mvaadina.m matvaa bruvaa.na.m "suddhayaa giraa| 
SP0200672: vyasarjayadadiinaatmaa k.rcchraatputra.m mahaatapaa.h|| 
SP0200681: abhivandya pitu.h paadau "sirasaa sa mahaaya"saa.h| 
SP0200682: pradak.si.na.m samaav.rtya sampratasthe .atini"scita.h|| 
SP0200691: abhivaadya .r.siinsarvaansa did.rk.surudaaradhii.h| 
SP0200692: muni.h sa devamagamatpra.nataartihara.m haram|| 
SP0209999: iti skandapuraa.ne vi.m"satitamo .adhyaaya.h||