SP0190010: sanatkumaara uvaaca| 
SP0190011: eva.m tava pitaa vyaasa rak.sa.hsattra.m samaaharat| 
SP0190012: samaapayitvaa ca punastapastepe ca bhaasvaram|| 
SP0190021: tamaagatya vasi.s.thastu tapasaa bhaaskaradyutim| 
SP0190022: uvaaca priitisampannamidamarthavadavyaya.h|| 
SP0190030: vasi.s.tha uvaaca| 
SP0190031: pitara.h putrakaamaa vai tapa.h k.rtvaatidu"scaram| 
SP0190032: putramutpaadayanti sma tapoj~naanasamanvitam|| 
SP0190041: aya.m na.h sa.mtati.m caiva j~naanavaa.mstapasaanvita.h| 
SP0190042: kari.syati gati.m caiva iti vedavido vidu.h|| 
SP0190051: sa tva.m taponvita"scaiva j~naanavaanya"sasaanvita.h| 
SP0190052: putra.h putravataa.m "sre.s.tho vihiina.h prajayaa vibho|| 
SP0190061: tasmaatpit.R.naamaan.r.nya.m gaccha vratavataa.m vara| 
SP0190062: sutamutpaadaya k.sipramadhika.m samameva vaa|| 
SP0190070: sanatkumaara uvaaca| 
SP0190071: sa evamuktastejasvii vasi.s.thenaamitaatmanaa| 
SP0190072: mainaaka.m parvata.m praapya tapastepe sudu"scaram|| 
SP0190081: tasya kaalena mahataa tapasaa bhaavitasya tu| 
SP0190082: umaapatirvara.m praadaatsa ca vavre suta.m "subham|| 
SP0190091: sa labdhavara aagamya yayaace putrakaara.naat| 
SP0190092: k.setra.m supari"suddha.m ca svaputro yatra sambhavet|| 
SP0190101: sambhramandaa"saraajasya duhit.rtvamupaagataam| 
SP0190102: pit.rkanyaa.m tata.h kaaliimapa"syaddivyaruupi.niim|| 
SP0190111: matsiigarbhasamutpannaa.m vasorbiijaa"sanaatpuraa| 
SP0190112: adrikaamapsara.h"sre.s.thaa.m brahmatejomayii.m "subhaam|| 
SP0190121: tasyaa.m sa janayaamaasa vara.m dattvaa mahaatapaa.h| 
SP0190122: bhavanta.m tapasaa.m yoni.m "srautasmaartapravartakam|| 
SP0190131: tava putro .abhavaccaapi "suko yogavidaa.m vara.h| 
SP0190132: tasya putraa"sca catvaara.h kanyaa caikaa sumadhyamaa|| 
SP0190140: vyaasa uvaaca| 
SP0190141: katha.m vaira.m samabhavadvi"svaamitravasi.s.thayo.h| 
SP0190142: katha.m caapagata.m bhuuya etadicchaami veditum|| 
SP0190150: sanatkumaara uvaaca| 
SP0190151: paraa"sare tu garbhasthe vipratva.m gaadhije gate| 
SP0190152: sarasvatyaa.m kuruk.setre dvayorapyaa"sramau tayo.h|| 
SP0190161: tatra vairamanusm.rtya vi"svaamitre.na dhiimataa| 
SP0190162: mi.satastu vasi.s.thasya hata.m putra"sata.m ru.saa|| 
SP0190171: munirapyaaha tatraasau vi"svaamitra.h prataapavaan| 
SP0190172: sarasvatiimathaikaante vasi.s.tha.m me mahaapage| 
SP0190173: srotasaa mahataak.sipya snaayamaanamihaanaya|| 
SP0190181: saivamuktaa tu ta.m gatvaa vasi.s.tha.m praaha du.hkhitaa| 
SP0190182: yaduktavaa.mstu gaadheya.h sa covaaca mahaanadiim|| 
SP0190191: eva.m kuru mahaabhaage maa.m nayasva yathepsitam| 
SP0190192: maa te kruura.h sa gaadheya.h "saapa.m dadyaatsudustaram|| 
SP0190200: sanatkumaara uvaaca| 
SP0190201: gaadheyasya tata.h saa tu juhvato .agni.m divaakare| 
SP0190202: madhya.m praapte .anayadvegaadvasi.s.tha.m srotasaa "subhaa|| 
SP0190211: ta.m d.r.s.tvaapah.rta.m vyaasa srotasaa munisattamam| 
SP0190212: uvaaca cchadmanaa yasmaadvegenaapah.rtastvayaa| 
SP0190213: tasmaattva.m karma.naanena saas.rktoyaa bhavi.syasi|| 
SP0190221: vi"svaamitre.na saa "saptaa nadii lokasukhapradaa| 
SP0190222: avahadrudhira.m caiva maa.msamedastathaiva ca|| 
SP0190231: atha tiirthaprasa"ngena munibhi.h samupaagatai.h| 
SP0190232: anugraha.h k.rtastasyaa yena svacchajalaabhavat|| 
SP0190241: mahatastapasa.h "saktyaa kaalena mahataa tadaa| 
SP0190242: vasi.s.thasya ca taa.m k.saanti.m j~naatvaa sa .r.sipu.mgava.h|| 
SP0190251: vi"svaamitro mahaatejaa vasi.s.the vairamatyajat| 
SP0190252: eva.m tau vairamanyonya.m jahaturmunisattamau|| 
SP0190260: sanatkumaara uvaaca| 
SP0190261: ya ima.m "s.r.nuyaannitya.m braahma.naa~nchraavayiita vaa| 
SP0190262: sa dustaraa.ni durgaa.ni taratya"sraantapauru.sa.h|| 
SP0190271: hriipauru.saudaaryavihaarasattvai.h samanvita.h sojjvalacaaruve.sa.h| 
SP0190272: bhavecca sarvaamararaajatulyastripi.s.tape krii.dati cecchayaa svayam|| 
SP0190281: eva.m tadabhavadvyaasa vi"svaamitravasi.s.thayo.h| 
SP0190282: vaira.m samaapta.m lokaanaa.m hitaartha.m punareva ca|| 
SP0199999: iti skandapuraa.ne uunavi.m"satitamo .adhyaaya.h||