SP0170010: vyaasa uvaaca| 
SP0170011: kasmaatsa raajaa tam.r.si.m cakhaada tapasaanvitam| 
SP0170012: rak.sasaa sa kimartha.m ca h.rtacetaabhavann.rpa.h|| 
SP0170020: sanatkumaara uvaaca| 
SP0170021: vasi.s.thayaajyo raajaasiinnaamnaa mitrasaha.h prabhu.h| 
SP0170022: sudaasaputro balavaanindracandrasamadyuti.h|| 
SP0170031: tamaagamyocivaa~nchakti"scari.sye diik.sito vratam| 
SP0170032: tatra me ni"si raajendra sadaiva pi"sitaa"sanam|| 
SP0170041: ihaagatasya yacchasva "suci sarvagu.naanvitam| 
SP0170042: apratiikaarasa.myuktamekadaikaanta eva ca|| 
SP0170051: evamastviti tenokto jagaama sa mahaamanaa.h| 
SP0170052: athaasyaantarhita.m rak.so n.rpaterabhavattadaa| 
SP0170053: naaj~naapayattadaa suuda.m tasyaarthe munisattama|| 
SP0170061: gate .atha divase taata sa.msm.rtya prayataatmavaan| 
SP0170062: suudamaahuuya covaaca aartavatsa naraadhipa.h|| 
SP0170070: saudaasa uvaaca| 
SP0170071: mayaam.rtavaso praatarguruputrasya dhiimata.h| 
SP0170072: pi"sita.m sampratij~naata.m bhojana.m ni"si sa.msk.rtam| 
SP0170073: tatkuru.sva tathaa k.sipra.m kaalo no naatyagaadyathaa|| 
SP0170081: sa evamukta.h provaaca suudo .am.rtavasustadaa| 
SP0170082: raaja.mstvayaa no naakhyaata.m praageva narapu.mgava| 
SP0170083: saamprata.m naasti pi"sita.m stokamapyabhikaa"nk.sitam|| 
SP0170091: pi"sitasyaiva caalpatvaadbahuunaa.m caiva tadbhujaam| 
SP0170092: amitasya pradaanaacca na ki.mcidava"si.syate|| 
SP0170100: raajovaaca| 
SP0170101: jaane sarvopayoga.m ca jaane caadu.s.tataa.m tava| 
SP0170102: jaane stoka.m ca pi"sita.m kaarya.m ceda.m tathaavidham| 
SP0170103: m.rgyataa.m pi"sita.m k.sipra.m labdhavya.m yatra manyase|| 
SP0170110: sanatkumaara uvaaca| 
SP0170111: evamukto .am.rtavasu.h prayatna.m mahadaasthita.h| 
SP0170112: pi"sita.m m.rgayansamya"nnaapyavindata karhicit|| 
SP0170121: yadaa na labdhavaanmaa.msa.m tadovaaca naraadhipam| 
SP0170122: gatvaa ni"si mahaaraajamida.m vacanamarthavat|| 
SP0170131: raajanna pi"sita.m tvasti pure .asmi~nchuci karhicit| 
SP0170132: m.rgayanparikhinno .asmi "saadhi ki.m karavaa.ni te|| 
SP0170140: sanatkumaara uvaaca| 
SP0170141: sa evamukta.h suudena tasminkaale naraadhipa.h| 
SP0170142: novaaca ki.mcitta.m suuda.m tuu.s.niimeva babhuuva ha|| 
SP0170151: tadantaramabhiprek.sya vi"svaamitrasamiirita.h| 
SP0170152: raak.saso rudhiro naama sa.mvive"sa naraadhipam|| 
SP0170161: rak.sasaa sa tadaavi.s.to rudhire.na duraatmanaa| 
SP0170162: uvaaca suuda.m "sanakai.h kar.namuule mahaadyuti.h|| 
SP0170171: gaccha yatki.mcidaaniiya maa.msa.m maanu.samantata.h| 
SP0170172: gaardabha.m vaapyathau.s.tra.m vaa sarva.m sa.mskartumarhasi|| 
SP0170181: kimasau j~naasyate raatrau tvayaa bhuuya"sca sa.msk.rtam| 
SP0170182: rasavadgandhavaccaiva k.siprameva samaacara|| 
SP0170190: sanatkumaara uvaaca| 
SP0170191: sa evamuktastenaatha maanu.sa.m maa.msamaadade| 
SP0170192: raajaapakaari.no vyaasa m.rtots.r.s.tasya kasyacit|| 
SP0170201: athaardharaatrasamaye bhaaskaraakaaravarcasam| 
SP0170202: "sataanalasamaprakhyamapa"syanmunisattamam|| 
SP0170211: sa tamarghye.na paadyena aasanaagryavare.na ca| 
SP0170212: samarcayitvaa vidhivadannamasyopapaadayat|| 
SP0170221: sa tadanna.m samaaniita.m samaalabhya mahaatapaa.h| 
SP0170222: cukopa kupita"scaaha paarthiva.m pradahanniva|| 
SP0170230: "saktiruvaaca| 
SP0170231: paarthivaadhama vipraa.naa.m bhojana.m raak.sasocitam| 
SP0170232: na diiyate vidhij~nena tva.m tu maamavamanyase|| 
SP0170241: yasmaattva.m raak.sasamida.m mahya.m ditsasi bhojanam| 
SP0170242: tasmaattva.m karma.naa tena puru.saado bhavi.syasi|| 
SP0170250: sanatkumaara uvaaca| 
SP0170251: evamuktastu tejasvii raajaa sa.mcintya tattadaa| 
SP0170252: uvaaca krodharaktaak.so raak.sasaavi.s.tacetana.h|| 
SP0170261: puru.saado bhavetyeva.m maamavocadbhavaanyata.h| 
SP0170262: tatastvaa.m bhak.sayi.syaami bhraat.rbhi.h sahita.m dvija|| 
SP0170271: bhak.sayitvaa vi"suddhyartha.m mukta"saapastata.h param| 
SP0170272: cari.syaami tapa.h "suddha.m sa.myamyendriyasa.mhatim| 
SP0170273: pitraa tavaabhyanuj~naata.h svarge vatsye yathepsitam|| 
SP0179999: iti skandapuraa.ne saptada"samo .adhyaaya.h||