SP0160010: vyaasa uvaaca| 
SP0160011: varaansa labdhvaa bhagavaanvasi.s.tho .asmatpitaamaha.h| 
SP0160012: ka.m putra.m janayaamaasa aatmana.h sad.r"sadyutim|| 
SP0160020: sanatkumaara uvaaca| 
SP0160021: tenaasau varadaanena devadevasya "suulina.h| 
SP0160022: arundhatyaamajanayattapoyogabalaanvitam| 
SP0160023: brahmi.s.tha.m "saktinaamaana.m putra.m putra"sataagrajam|| 
SP0160031: tasya baalyaatprabh.rtyeva vaasi.s.thasya mahaatmana.h| 
SP0160032: pare.na cetasaa bhaktirabhavadgov.r.sadhvaje|| 
SP0160041: sa kadaacidapatyaarthamaaraadhayadumaapatim| 
SP0160042: tasya tu.s.to mahaadevo varado .asmiityabhaa.sata|| 
SP0160051: atha d.r.s.tvaa tamii"saanamidamaahaanataanana.h| 
SP0160052: kena sto.syaami te deva yastva.m sarvajagatpati.h| 
SP0160053: sarvaandhaarayase lokaanaatmanaa samayaadvibho|| 
SP0160061: tvameva bhoktaa bhojya.m ca kartaa kaarya.m tathaa kriyaa| 
SP0160062: utpaadakastathotpaadya utpatti"scaiva sarva"sa.h|| 
SP0160071: aatmaana.m putranaamaana.m mama tulya.m gu.nairvibho| 
SP0160072: icchaami datta.m deve"sa e.sa me diiyataa.m vara.h|| 
SP0160080: sanatkumaara uvaaca| 
SP0160081: tameva.mvaadina.m deva.h prahasya vadataa.m vara.h| 
SP0160082: uvaaca vacasaa vyaasa di"sa.h sarvaa vinaadayan|| 
SP0160091: tvayaaha.m yaacita.h "sakte sa ca te sa.mbhavi.syati| 
SP0160092: tvatsama.h sarvavedaj~nastvadiiyo munipu.mgava|| 
SP0160101: biijaatmaa ca tathodbhuuta.h svayamevaa"nkuraatmanaa| 
SP0160102: biijaatmanaa na bhavati pari.naamaantara.m gata.h|| 
SP0160111: eva.m sa aatmanaatmaa va.h sa.mbhuuto .apatyasa.mj~nita.h| 
SP0160112: svenaatmanaa na bhavitaa pari.naamaantara.m gata.h|| 
SP0160120: sanatkumaara uvaaca| 
SP0160121: evamuktvaa tu ta.m deva.h prahasya ca niriik.sya ca| 
SP0160122: jagaama sahasaa yogii ad.r"syatvamatidyuti.h|| 
SP0160131: tasmingate mahaadeve "saktistava pitaamaha.h| 
SP0160132: vacastatparini"scintya evamevetyamanyata|| 
SP0160141: atha kaale .atimahati samatiite "subhavrate| 
SP0160142: tapasaa bhaavita"scaapi mahataagnisamaprabha.h| 
SP0160143: ad.r"syantyaa.m mahaapraj~na aadadhe garbhamuttamam|| 
SP0160151: tasyaamaapannasattvaayaa.m raajaa kalmaa.sapaad.r.sim| 
SP0160152: bhak.sayaamaasa sa.mrabdho rak.sasaa h.rtacetana.h|| 
SP0169999: iti skandapuraa.ne .so.da"so .adhyaaya.h||