SP0150010: sanatkumaara uvaaca| 
SP0150011: pravi.s.te bhavana.m deve suupavi.s.te varaasane| 
SP0150012: sa bahirmanmatha.h kruuro deva.m veddhumanaabhavat|| 
SP0150021: tamanaacaarasa.myukta.m duraatmaana.m kulaadhamam| 
SP0150022: lokaansarvaa.mstaapayaana.m sarve.svakaru.naatmakam|| 
SP0150031: .r.sii.naa.m vighnakartaara.m niyamaanaa.m vratai.h saha| 
SP0150032: cakraahvayasya ruupe.na ratyaa saha tamaagatam|| 
SP0150041: athaatataayina.m vyaasa veddhukaama.m sure"svaram| 
SP0150042: nayanena t.rtiiyena saavaj~na.m tamavaik.sata|| 
SP0150051: tato .asya netrajo vahnirjvaalaamaalaasahasravaan| 
SP0150052: sa.mv.rtya ratibhartaaramadahatsaparicchadam|| 
SP0150061: sa dahyamaana.h karu.namaarto .akro"sata visvaram| 
SP0150062: prasaadaya.m"sca ta.m deva.m papaata sa mahiitale|| 
SP0150071: aa"su so .agnipariitaa"ngo manmatho lokataapana.h| 
SP0150072: papaata bhasmasaaccaiva k.sa.nena samapadyata|| 
SP0150081: patnii tu karu.na.m tasya vilalaapa sudu.hkhitaa| 
SP0150082: deva.m devii.m ca du.hkhaartaa ayaacatkaru.naayatii|| 
SP0150091: tasyaa"sca karu.naa.m "srutvaa devau tau karu.naatmakau| 
SP0150092: uucatustaa.m samaalokya samaa"svaasya ca du.hkhitaam|| 
SP0150101: dagdha e.sa dhruva.m bhadre naasyotpattirihe.syate| 
SP0150102: a"sariiro .api te kaale kaarya.m sarva.m kari.syati|| 
SP0150111: yadaa tu vi.s.nurbhavitaa vasudevasuta.h "subhe| 
SP0150112: tadaa tasya suto .aya.m syaatpatiste sa bhavi.syati|| 
SP0150120: sanatkumaara uvaaca| 
SP0150121: tata.h saa ta.m vara.m labdhvaa kaamapatnii "subhaananaa| 
SP0150122: jagaame.s.ta.m tadaa de"sa.m priitiyuktaa gataklamaa|| 
SP0150130: sanatkumaara uvaaca| 
SP0150131: eva.m dagdhvaa sa kaama.m tu "sa.mkaro muu.dhacetasam| 
SP0150132: provaaca himavatputrii.m bhaktyaa munivarasya ha|| 
SP0150141: vasi.s.tho naama viprendro maa.m k.rtvaa h.rdi tapyate| 
SP0150142: tasyaaha.m varadaanaaya prayaasyaami mahaavrate|| 
SP0150151: evamuktvaa sa devii.m tu bhaktipriityaa tadaa vibhu.h| 
SP0150152: jagaama tapyato .abhyaa"sa.m vasi.s.thasya munervibhu.h|| 
SP0150161: tato munivara"sre.s.tha.m vari.s.tha.m tapataa.m varam| 
SP0150162: vasi.s.tham.r.si"saarduula.m tapyamaana.m para.m tapa.h|| 
SP0150171: puur.ne var.sasahasre tu jvalamaanamivaanalam| 
SP0150172: uvaaca bhagavaangatvaa bruuhi ki.m te dadaani te| 
SP0150173: dadaami divya.m cak.suste pa"sya maa.m saga.na.m dvija|| 
SP0150181: d.r.s.tvaa sa tu tamii"saana.m pra.namya "sirasaa prabhum| 
SP0150182: "sirasya~njalimaadhaaya tu.s.taava h.r.sitaanana.h|| 
SP0150190: vasi.s.tha uvaaca| 
SP0150191: nama.h kanakali"ngaaya vedali"ngaaya vai nama.h| 
SP0150192: nama.h sahasrali"ngaaya vahnili"ngaaya vai nama.h|| 
SP0150201: nama.h puraa.nali"ngaaya "srutili"ngaaya vai nama.h| 
SP0150202: nama.h pavanali"ngaaya brahmali"ngaaya vai nama.h|| 
SP0150211: namastrailokyali"ngaaya daahali"ngaaya vai nama.h| 
SP0150212: nama.h parvatali"ngaaya sthitili"ngaaya vai nama.h|| 
SP0150221: namo rahasyali"ngaaya saptadviipordhvali"ngine| 
SP0150222: nama.h sarvaarthali"ngaaya sarvalokaa"ngali"ngine|| 
SP0150231: namo .astvavyaktali"ngaaya buddhili"ngaaya vai nama.h| 
SP0150232: namo .aha.mkaarali"ngaaya bhuutali"ngaaya vai nama.h|| 
SP0150241: nama indriyali"ngaaya namastanmaatrali"ngine| 
SP0150242: nama.h puru.sali"ngaaya bhaavali"ngaaya vai nama.h|| 
SP0150251: nama.h sarvaarthali"ngaaya tamoli"ngaaya vai nama.h| 
SP0150252: namo rajordhvali"ngaaya sattvali"ngaaya vai nama.h|| 
SP0150261: namo gaganali"ngaaya tejoli"ngaaya vai nama.h| 
SP0150262: namo vaayuurdhvali"ngaaya "sabdali"ngaaya vai nama.h|| 
SP0150271: namo .rkstutali"ngaaya yajurli"ngaaya vai nama.h| 
SP0150272: namaste .atharvali"ngaaya saamali"ngaaya vai nama.h|| 
SP0150281: namo yaj~naa"ngali"ngaaya yaj~nali"ngaaya vai nama.h| 
SP0150282: namaste .anantali"ngaaya devaanugatali"ngine|| 
SP0150291: di"sa na.h parama.m yogamapatya.m matsama.m tathaa| 
SP0150292: brahma caivaak.saya.m deva "sama.m caiva para.m vibho| 
SP0150293: ak.sayatva.m ca va.m"sasya dharme ca matimak.sayaam|| 
SP0150300: sanatkumaara uvaaca| 
SP0150301: eva.m sa bhagavaanvyaasa vasi.s.thenaamitaatmanaa| 
SP0150302: stuuyamaanastuto.saatha tu.s.ta"sceda.m tamabraviit|| 
SP0150310: bhagavaanuvaaca| 
SP0150311: tu.s.taste .aha.m dadaanyetattava sarva.m manogatam| 
SP0150312: yoga.m ca parama.m suuk.smamak.saya.m sarvakaamikam|| 
SP0150321: pautra.m ca tvatsama.m divya.m tapoyogabalaanvitam| 
SP0150322: dadaani te .r.si"sre.s.tha pratibhaasyanti caiva te|| 
SP0150331: dama.h "samastathaa kiirtistu.s.tirakrodha eva ca| 
SP0150332: nitya.m tava bhavi.syanti amaratva.m ca sarva"sa.h|| 
SP0150341: avadhyatvamasahyatvamak.sayatva.m ca sarvadaa| 
SP0150342: va.m"sasya caak.satirvipra dharme ca ratiravyayaa| 
SP0150343: bruuhi caanyaanapi varaandadaami .r.sisattama|| 
SP0150350: vasi.s.tha uvaaca| 
SP0150351: bhagavanvidita.m sarva.m bhavi.sya.m devasattama| 
SP0150352: na syaaddhi tattathaa deva yathaa vaa manyase prabho|| 
SP0150360: deva uvaaca| 
SP0150361: bhavi.sya.m naanyathaa kuryaaditi me ni"scitaa mati.h| 
SP0150362: aha.m kartaa bhavi.syasya katha.m kuryaattadanyathaa|| 
SP0150371: tathaa tannaatra sa.mdeho vihita.m yadyathaa mayaa| 
SP0150372: tasmaatte .anugraha.m kartaa bhuuya.h putrastavaavyaya.h|| 
SP0150380: sanatkumaara uvaaca| 
SP0150381: evamuktvaa tato deva.h kapardii niilalohita.h| 
SP0150382: pa"syatastasya viprar.se.h k.sa.naadantaradhiiyata|| 
SP0159999: iti skandapuraa.ne pa~ncada"samo .adhyaaya.h||