SP0130010: sanatkumaara uvaaca| 
SP0130011: vist.rte himavatp.r.s.the vimaana"satasa.mkule| 
SP0130012: abhavatsa tu kaalena "sailaputryaa.h svaya.mvara.h|| 
SP0130021: atha parvataraajo .asau himavaandhyaanakovida.h| 
SP0130022: duhiturdevadevena j~naatvaa tadabhimantritam|| 
SP0130031: jaanannapi mahaa"saila.h samaacaarakriyepsayaa| 
SP0130032: svaya.mvara.m tato devyaa.h sarvaloke.svagho.sayat|| 
SP0130041: devadaanavasiddhaanaa.m sarvalokanivaasinaam| 
SP0130042: v.r.nuyaatparame"saana.m samak.sa.m yena me sutaa|| 
SP0130051: tadeva suk.rta.m "slaaghya.m mamaabhyudayasa.mmatam| 
SP0130052: iti sa.mcintya "sailendra.h k.rtvaa h.rdi mahe"svaram|| 
SP0130061: aabrahmake.su loke.su devyaa.h "sailendrasattama.h| 
SP0130062: k.rtvaa ratnaakula.m de"sa.m svaya.mvaramaciikarat|| 
SP0130071: athaivamaagho.sitamaatra eva svaya.mvare vyaasa mahiidhraputryaa.h| 
SP0130072: devaadaya.h sarvajagannivaasaa.h samaayayurdivyag.rhiitave.saa.h|| 
SP0130081: praphullapadmaasanasa.mnivi.s.ta.h siddhairv.rto yogibhiraprameyai.h| 
SP0130082: vij~naapitastena mahiidhraraaj~naa pitaamahastatra samaajagaama|| 
SP0130091: ak.s.naa.m sahasra.m suraraa.t sa bibhraddivyaa"ngahaarasragudaattaruupa.h| 
SP0130092: airaavata.m sarvagajendramukhya.m sravanmadaasaarak.rtapravaaham| 
SP0130093: aaruhya sarvaamararaa.t sa vajra.m bibhratsamaagaatpurata.h suraa.naam|| 
SP0130101: teja.hprataapaadhikadivyaruupa.h prodbhaasayansarvadi"so vivasvaan| 
SP0130102: haima.m vimaana.m sacalatpataakamaaruhya aagaattvarita.m javena|| 
SP0130111: ma.nipradiiptojjvalaku.n.dala"sca vahnyarkateja.hpratime vimaane| 
SP0130112: samabhyagaatka"syapaviprasuunuraaditya aagaadbhaganaamadhaarii|| 
SP0130121: piinaa"ngaya.s.ti.h suk.rtaa"ngahaarastejobalaaj~naasad.r"saprabhaava.h| 
SP0130122: da.n.da.m samaadaaya k.rtaanta aagaadaaruhya bhiima.m mahi.sa.m javena|| 
SP0130131: mahaamahiidhrocchrayapiinagaatra.h svar.naadiratnaacitacaaruve.sa.h| 
SP0130132: samiira.na.h sarvajagadvibhartaa vimaanamaaruhya samabhyagaaddhi|| 
SP0130141: sa.mtaapayansarvasuraasure"saa.mstejodhikastejasi sa.mnivi"sya| 
SP0130142: vahni.h samabhyetya surendramadhye jvalanpratasthau varave.sadhaarii|| 
SP0130151: naanaama.niprajvalitaa"ngaya.s.tirjagaccarandivyavimaanamagryam| 
SP0130152: aaruhya sarvadravi.naadhipe"sa.h sa raajaraajastvarito .abhyagaacca|| 
SP0130161: aapyaayayansarvasuraasure"saankaantyaa ca ve.se.na ca caaruruupa.h| 
SP0130162: jvalanmahaaratnavicitraruupa.m vimaanamaaruhya "sa"sii samaagaat|| 
SP0130171: "syaamaa"ngaya.s.ti.h suvicitrave.sa.h sarvasragaabaddhasugandhamaalii| 
SP0130172: taark.sya.m samaaruhya mahiidhrakalpa.m gadaadharo .asau tvarita.m sameta.h|| 
SP0130181: tathaa"svinau devabhi.sagvarau tu eka.m vimaana.m tvarayaabhiruhya| 
SP0130182: manoharaavujjvalacaaruve.saavaajagmaturdevasada.h suviirau|| 
SP0130191: "se.sa.h sahasra.m sphuradagnivar.na.m bibhratspha.taanaa.m jvalanaarkatejaa.h| 
SP0130192: saardha.m sa naagairaparairmahaatmaa vimaanamaaruhya samabhyagaacca|| 
SP0130201: dite.h sutaanaa.m ca mahaasuraa.naa.m vahnyarka"sakraanilatulyabhaasaam| 
SP0130202: varaanuruupa.m pravidhaaya ve.sa.m v.rnda.m samaagaatpurata.h suraa.naam|| 
SP0130211: gandharvaraaja.h sa ca caaruruupii divya"ngamo divyavimaanacaarii| 
SP0130212: gandharvasa.mghai.h sahito .apsarobhi.h "sakraaj~nayaa tatra samaajagaama|| 
SP0130221: anye ca devaastridivaukase"saa.h p.rthakp.rthakcaarug.rhiitave.saa.h| 
SP0130222: aajagmuraaruhya vimaanap.r.s.tha.m gandharvayak.soragaki.mnaraa"sca|| 
SP0130231: "saciipatistatra surendramadhye raajaadhikaaraadhikalak.syamuurti.h| 
SP0130232: aaj~naabalai"svaryak.rtapramoho v.rthaadhika.m yatnamupaacakaara|| 
SP0130241: hetustrilokasya jagatprasuutermaataa ca te.saa.m sasuraasuraa.naam| 
SP0130242: patnii ca "sambho.h puru.sasya dhaamno giitaa puraa.ne prak.rti.h paraarthaa| 
SP0130243: dak.sasya kopaaddhimavadg.rha.m saa kaaryaarthamaagaatparame"sapatnii|| 
SP0130251: eva.m yatastaa.m na vidu.h sure"saa mohastatastaanpara aavive"sa| 
SP0130252: varaarthamaajagmurato vimuu.dhaa ii"sena yasmaadv.r.ditaa.h k.rtaaste|| 
SP0130261: tata.h pran.rttaabhirathaapsarobhirgandharvasa.mghai"sca sugiita"sabdai.h| 
SP0130262: sthitai"sca naanaavidharuupave.sairdevaasuraaditridivaukasa.mghai.h|| 
SP0130271: vimaanap.r.s.the ma.nihemacitre sthitaa calaccaamaraviijitaa"ngii| 
SP0130272: sarvartupu.spaa.m susugandhamaalaa.m prag.rhya devii prasabha.m pratasthe|| 
SP0130280: sanatkumaara uvaaca| 
SP0130281: maalaa.m prag.rhya devyaa.m tu sthitaayaa.m devasa.msadi| 
SP0130282: "sakraadyairaagatairdevai.h svaya.mvaramupaagatai.h|| 
SP0130291: devyaa jij~naasayaa "sambhurbhuutvaa pa~nca"sikha.h "si"su.h| 
SP0130292: utsa"ngatalasa.msupto babhuuva sahasaa vibhu.h|| 
SP0130301: akasmaadatha ta.m devii "si"su.m pa~nca"sikha.m sthitam| 
SP0130302: j~naatvaa yogasamaadhaanaajjah.r.se priitisa.myutaa|| 
SP0130311: atha saa "suddhasa.mkalpaa kaa"nk.sitapraaptasatphalaa| 
SP0130312: nirv.rteva tadaa tasthau k.rtvaa h.rdi tameva tu|| 
SP0130321: tato d.r.s.tvaa "si"su.m devaa devyaa utsa"ngavartinam| 
SP0130322: ko .ayamatreti sa.mmantrya cukrudhurbh.r"samaarditaa.h|| 
SP0130331: vajramaakaarayattasya baahumutk.sipya v.rtrahaa| 
SP0130332: sa baahurutthitastasya tathaiva samati.s.thata|| 
SP0130341: stambhita.h "si"suruupe.na devadevena "sambhunaa| 
SP0130342: vajra.m k.septu.m na "sa"saaka baahu.m caalayitu.m na ca|| 
SP0130351: bhago naama tato deva aaditya.h kaa"syapo balii| 
SP0130352: utk.sipya mu"sala.m diipta.m k.septumaicchadvimohita.h| 
SP0130353: tasyaapi bhagavaanbaahu.m tathaivaastambhayattadaa|| 
SP0130361: "sira.h prakampayanvi.s.nu.h sakrodhastamavaik.sata| 
SP0130362: tasyaapi "siraso deva.h khaalitya.m pracakaara ha|| 
SP0130371: puu.saa dantaanda"sandantai.h "sarvamaik.sata mohita.h| 
SP0130372: tasyaapi da"sanaa.h peturd.r.s.tamaatrasya "sambhunaa|| 
SP0130381: yamasya stambhito da.n.dastejo vahne.h "sa"se.h prabhaa| 
SP0130382: bala.m vaayostathaanye.saa.m tasminsarvadivaukasaam| 
SP0130383: bala.m teja"sca yoga.m ca tathaivaastambhayadvibhu.h|| 
SP0130391: atha te.su sthite.sveva.m manyumatsu sure.su tu| 
SP0130392: brahmaa paramasa.mvigno dhyaanamaasthaaya saadaram| 
SP0130393: bubudhe devadeve"samumotsa"ngasamaasthitam|| 
SP0130401: sa buddhvaa parame"saana.m "siighramutthaaya saadaram| 
SP0130402: vavande cara.nau "sambhorastuvacca pitaamaha.h| 
SP0130403: pauraa.nai.h saamasa.mgiitai.h pu.nyaakhyairguhyanaamabhi.h|| 
SP0130411: ajastvamamaro deva sra.s.taa hartaa vibhu.h para.h| 
SP0130412: pradhaanapuru.sastattva.m brahma dhyeya.m tadak.sayam|| 
SP0130421: am.rta.m paramaatmaa ca ii"svara.h kaara.na.m mahat| 
SP0130422: brahmak.rtprak.rte.h sra.s.taa sarvas.rkparame"svara.h|| 
SP0130431: iya.m ca prak.rtirdevii sadaa te s.r.s.tikaara.nam| 
SP0130432: patniiruupa.m samaasthaaya jagatkaara.namaagataa|| 
SP0130441: namastubhya.m sade"saana devyaa"scaiva sadaa nama.h| 
SP0130442: prasaadaattava deve"sa niyogaacca mayaa prajaa.h|| 
SP0130451: devaadyaasta ime s.r.s.taa muu.dhaastvadyogamohitaa.h| 
SP0130452: kuru prasaadamete.saa.m yathaapuurva.m bhavantvime|| 
SP0130461: tata eva.m tadaa brahmaa vij~naapya parame"svaram| 
SP0130462: stambhitaansarvadevaa.mstaanidamaaha mahaadyuti.h|| 
SP0130471: muu.dhaa.h stha devataa.h sarve naina.m budhyata "sa.mkaram| 
SP0130472: devadevamihaayaata.m mamaivotpattikaara.nam|| 
SP0130481: aya.m rudro mahaadeva.h "sarvo bhiima.h kapardimaan| 
SP0130482: ugra ii"saana aatmaa ca aja.h "sa.mkara eva ca|| 
SP0130491: devadeva.h para.m dhaama ii"sa.h pa"supati.h pati.h| 
SP0130492: jagatsra.s.taa jagaddhartaa jagatsa.msthitikaara.nam|| 
SP0130501: gacchadhva.m "sara.na.m "siighramevamevaamare"svaraa.h| 
SP0130502: saardha.m mayaiva deve"sa.m paramaatmaanamavyayam|| 
SP0130511: tataste stambhitaa.h sarve tathaiva tridivaukasa.h| 
SP0130512: pra.nemurmanasaa "sarva.m bhaava"suddhena cetasaa|| 
SP0130521: atha te.saa.m prasanno .abhuuddevadevo mahe"svara.h| 
SP0130522: yathaapuurva.m cakaaraa"su devataanaa.m tanuustadaa|| 
SP0130531: tata eva.m prav.rtte tu sarvadevanivaara.ne| 
SP0130532: vapu"scakaara deve"sastryak.sa.m paramamadbhutam| 
SP0130533: tejasaa yasya devaaste cak.surapraarthayanvibhum|| 
SP0130541: tebhya.h paramaka.m cak.su.h svavapurd.r.s.ti"saktimat| 
SP0130542: praadaatparamadeve"sa.h apa"sya.mste tadaa prabhum|| 
SP0130551: te d.r.s.tvaa parame"saana.m t.rtiiyek.sa.nadhaari.nam| 
SP0130552: brahmaadyaa nemire tuur.na.m sarva eva sure"svaraa.h|| 
SP0130561: tasya devii tadaa h.r.s.taa samak.sa.m tridivaukasaam| 
SP0130562: paadayo.h sthaapayaamaasa sragmaalaamamitadyute.h|| 
SP0130571: saadhu saadhviti samprocya devataaste punarvibhum| 
SP0130572: saha devyaa nama"scakru.h "sirobhirbhuutalaa"sritai.h|| 
SP0130581: athaasminnantare vyaasa brahmaa lokapitaamaha.h| 
SP0130582: himavanta.m mahaa"sailamidamaaha mahaadyuti.h|| 
SP0130591: "slaaghya.h puujya"sca vandya"sca sarve.saa.m nastvamadya hi| 
SP0130592: "sarve.na saha sambandho yasya te .abhuudaya.m mahaan| 
SP0130593: kriyataa.m caa"su udvaaha.h kimartha.m sthiiyate param|| 
SP0130601: tata.h pra.namya himavaa.msta.m deva.m pratyabhaa.sata| 
SP0130602: tvameva kaara.na.m deva yena "sarvaadaya.m mama|| 
SP0130611: prasaada.h sahasotpanno hetu"scaapi tvameva hi| 
SP0130612: udvaaha.m tu yathaa yaad.rktadvidhatsva pitaamaha|| 
SP0130621: tata eva.m vaca.h "srutvaa giriraaj~na.h pitaamaha.h| 
SP0130622: udvaaha.h kriyataa.m deva iti devamuvaaca ha| 
SP0130623: tamaaha "sa.mkaro deva.m yathe.s.tamiti lokapa.h|| 
SP0130631: tatk.sa.naacca tato vyaasa brahma.naa kalpita.m puram| 
SP0130632: udvaahaartha.m mahe"sasya naanaaratnopa"sobhitam|| 
SP0130641: ratnaani ma.naya"scitraa hema mauktikameva ca| 
SP0130642: muurtimanta upaagamya ala.mcakru.h purottamam|| 
SP0130651: citraa maarakatii bhuumi.h sauvar.nastambha"sobhitaa| 
SP0130652: bhaasvatspha.tikabhittiibhirmuktaahaarapralambitaa|| 
SP0130661: tasmi~nchivapure ramye udvaahaartha.m vinirmite| 
SP0130662: "su"subhe devadevasya mahe"sasya mahaatmana.h|| 
SP0130671: somaadityau sama.m tatra bhaasayantau mahaama.nii| 
SP0130672: saurabheya.m manoramya.m gandhamaaghraaya maaruta.h| 
SP0130673: pravavau sukhasa.mspar"sa ii"se bhakti.m prasaadayan|| 
SP0130681: samudraastatra catvaara.h "sakraadyaa"sca surottamaa.h| 
SP0130682: devanadyo mahaanadya.h siddhaa munaya eva ca|| 
SP0130691: gandharvaapsarasa.h sarve naagaa yak.saa.h saraak.sasaa.h| 
SP0130692: guhyakaa.h khecaraa"scaanye ki.mnaraa devacaara.naa.h|| 
SP0130701: tumbururnaarado haahaa huuhuu caiva tu saamagaa.h| 
SP0130702: ratnaanyaadaaya vaadyaa.m"sca tatraajagmustadaa puram|| 
SP0130711: .r.saya.h k.rtsna"sastatra vedagiitaa.mstapodhanaa.h| 
SP0130712: pu.nyaanvaivaahikaanmantraa~njepu.h sa.mh.r.s.tamaanasaa.h|| 
SP0130721: jagato maatara.h sarvaa devakanyaa"sca k.rtsna"sa.h| 
SP0130722: gaayanti h.r.sitaa.h sarvaa udvaahe parame.s.thina.h|| 
SP0130731: .rtava.h .sa.t sama.m tatra naanaagandhasukhaavahaa.h| 
SP0130732: udvaaha.h "sa.mkarasyeti muurtimanta upasthitaa.h|| 
SP0130741: niilajiimuutasa.mghaatamandradhvaanaprahar.sitai.h| 
SP0130742: kekaayamaanai.h "sikhibhirn.rtyamaanai"sca sarva"sa.h|| 
SP0130751: vilolapi"ngalaspa.s.tavidyullekhaavabhaasitaa| 
SP0130752: kumudaapiita"suklaabhirbalaakaabhi"sca "sobhitaa|| 
SP0130761: pratyagrasa.mjaata"siliindhrakandalaa lataadrumaabhyudgatacaarupallavaa| 
SP0130762: "subhaambudhaaraapra.nayaprabodhitairmadaalasairbhekaga.nai"sca naaditaa|| 
SP0130771: priye.su maanonnatamaanasaanaa.m suni"scitaanaamapi kaaminiinaam| 
SP0130772: mayuurakekaabhirutai.h k.sa.nena manoharairmaanavibha"ngakartrii|| 
SP0130781: tathaa trivar.nojjvalacaarumuurtinaa "sa"saa"nkalekhaaku.tilena sarvata.h| 
SP0130782: payodasa.mghaatasamiipavartinaa mahendracaapena bh.r"sa.m viraajitaa|| 
SP0130791: vicitrapu.spaspar"saatsugandhibhirghanaambusamparkatayaa su"siitalai.h| 
SP0130792: vikampayantii pavanairmanoharai.h suraa"nganaanaamalakaavalii.h "subhaa.h|| 
SP0130801: garjatpayodasthagitendubimbaa navaambusekodgatacaaruduurvaa| 
SP0130802: niriik.sitaa saadaramutsukaabhirni"svaasadhuumra.m pathikaa"nganaabhi.h|| 
SP0130811: ha.msanuupura"sabdaa.dhyaa samunnatapayodharaa| 
SP0130812: caladvidyullataakaa~ncii spa.s.tapadmavilocanaa|| 
SP0130821: asitajaladav.rndadhvaanavitrastaha.msaa vimalasaliladhaaraapaatanamrotpalaagraa| 
SP0130822: surabhikusumare.nuk.lptasarvaa"nga"sobhaa giriduhit.rvivaahe praav.r.daagaadvibhuutyai|| 
SP0130831: meghaka~ncukanirmuktaa padmako"sodgatastanii| 
SP0130832: ha.msanuupuranirhraadaa sarvaramyadigantaraa|| 
SP0130841: vistiir.napulina"sro.nii kuujatsaarasamekhalaa| 
SP0130842: praphullendiivaraabhogavilocanamanoharaa|| 
SP0130851: pakvabimbaadharapu.taa kundadantaprahaasinii| 
SP0130852: nava"syaamaalataa"syaamaromaraajiipari.sk.rtaa|| 
SP0130861: candraa.m"suhaaravarye.na saudhora.hsthalasarpi.naa| 
SP0130862: prahlaadayantii cetaa.msi sarve.saa.m tridivaukasaam|| 
SP0130871: samadaalikulodgiitamadhurasvarabhaa.si.nii| 
SP0130872: calatkumudasa.mghaatacaaruku.n.dala"sobhinii|| 
SP0130881: raktaa"sokaagra"saakhotthapallavaa"ngulidhaari.nii| 
SP0130882: tatpu.spasa.mcayamayairvaasobhi.h samala.mk.rtaa|| 
SP0130891: raktotpalaagracara.naa jaatiipu.spanakhaavalii| 
SP0130892: kadaliistambhacaaruuru.h "sa"saa"nkavadanaa tathaa|| 
SP0130901: padmaki~njalkasamp.rktapavanaagrakarai.h suraan| 
SP0130902: prem.naa sp.r"santii kaanteva "saradaagaanmanoramaa|| 
SP0130911: nirmuktaasitameghaka~ncukapu.taa puur.nendubimbaananaa 
SP0130912: niilaambhojavilocanaaravindamukulaprodbhinnacaarustanii| 
SP0130913: naanaapu.sparaja.hsugandhipavanaprahlaadanii cetasaa.m 
SP0130914: tatraagaatkalaha.msanuupuraravaa devyaa vivaahe "sarat|| 
SP0130921: atyartha"siitalaambhobhi.h plaavayantau gire.h "silaa.h| 
SP0130922: .rtuu "si"sirahemantaavaajagmaturatidyutii|| 
SP0130931: taabhyaam.rtubhyaa.m praaptaabhyaa.m himavaansa nagottama.h| 
SP0130932: praaleyacuur.navar.sibhyaa.m k.sipra.m raupya ivaababhau|| 
SP0130941: tena praaleyavar.se.na ghanena sa himaacala.h| 
SP0130942: agaadhena tadaa reje k.siiroda iva saagara.h|| 
SP0130951: himasthaane.su himavaannaa"sayaamaasa paadapaan| 
SP0130952: saadhuupacaaraansahasaa k.rtaartha iva durjana.h|| 
SP0130961: praaleyapa.talacchannai.h "s.r"ngai.h sa "su"subhe naga.h| 
SP0130962: chatrairiva mahaabhogai.h paa.n.darai.h p.rthiviipati.h|| 
SP0130971: paa.n.daraa.ni vi"saalaani "sriimanti subhagaani ca| 
SP0130972: tu"ngaani caadri"s.r"ngaa.ni saudhaaniiva cakaa"sire|| 
SP0130981: tasyaacalendrasya darii.svatiiva vicitrasaara"ngakulaakulaasu| 
SP0130982: praaleyadhaaraa.h "sa"sipaadagauraa gok.siiradhaaraa iva sa.mnipetu.h|| 
SP0130991: bahukusumarajobhirutkaraa"ngaa himaka.nasa"ngasu"siitalaa.h samiiraa.h| 
SP0130992: vavuramaraga.ne"svaraambaraa.ni pratanutamaani "sanairvikampayanta.h|| 
SP0131001: nirdhuutaruuk.saanila"siitado.sa.h prodbhinnacuutaa"nkurakar.napuura.h| 
SP0131002: vasantakaala"sca tamadriputriisevaarthamaagaaddhimavantamaa"su|| 
SP0131011: tasminn.rtaavadrisutaavivaahasi.sevayaa ta.m girimabhyupete| 
SP0131012: praadurbabhuuvu.h kusumaavata.msaa.h samantata.h paadapagulma.sa.n.daa.h|| 
SP0131021: vavu.h sugandhaa.h subhagaa.h su"siitaa vicitrapu.spaagrarajotkaraa"ngaa.h| 
SP0131022: manobhavodrekakaraa.h suraa.naa.m suraa"nganaanaa.m ca muhu.h samiiraa.h|| 
SP0131031: svacchaambupuur.naa"sca tathaa nalinya.h padmotpalaanaa.m mukulairupetaa.h| 
SP0131032: ii.satsamudbhinnapayodharaagraa naaryo yathaa ramyatamaa babhuuvu.h|| 
SP0131041: .rto.h svabhaavaacca madodbhavaacca phullaasu "saakhaasu niliinapak.saa.h| 
SP0131042: cetobhiraama.m trida"saa"nganaanaa.m pu.mskokilaa"scaatikala.m vinedu.h|| 
SP0131051: naatyu.s.na"siitaani sara.hpayaa.msi ki~njalkacuur.nai.h kapiliik.rtaani| 
SP0131052: cakraahvayugmairupanaaditaani papu.h prah.r.s.taa.h suradantimukhyaa.h|| 
SP0131061: priya"nguu"scuutatarava"scuutaa.m"scaapi priya"ngava.h| 
SP0131062: tarjayanta ivaanyonya.m ma~njariibhi"scakaa"sire|| 
SP0131071: hima"sukle.su "s.r"nge.su tilakaa.h kusumotkaraa.h| 
SP0131072: "su"subhu.h kaaryamuddi"sya v.rddhaa iva samaagataa.h|| 
SP0131081: phullaa"sokalataastatra rejire "saalasa.m"sritaa.h| 
SP0131082: kaaminya iva kaantaanaa.m ka.n.thaalambitamuurtaya.h|| 
SP0131091: samadaalikulodgiitalataakusumasa.mcayaa.h| 
SP0131092: paraspara.m hi maalatyo bhaa.santya iva rejire|| 
SP0131101: niilaani niilaamburuhai.h payaa.msi gauraa.ni gaurai"sca sanaalada.n.dai.h| 
SP0131102: raktai"sca raktaani bh.r"sa.m k.rtaani mattadvirephaardhavida.s.tapatrai.h|| 
SP0131111: haimaani vistiir.najale.su ke.sucinnirantara.m maarakataani ke.sucit| 
SP0131112: vaiduuryanaalaani sara.hsu ke.sucitprajaj~nire padmavanaani sarvata.h|| 
SP0131121: vaapyastatraabhavanramyaa.h kamalotpalabhuu.sitaa.h| 
SP0131122: naanaavihagasa.mghu.s.taa hemasopaanapa"nktaya.h|| 
SP0131131: "s.r"ngaa.ni tasya tu gire.h kar.nikaarai.h supu.spitai.h| 
SP0131132: samucchritaanyaviralairhaimaaniiva babhurmune|| 
SP0131141: ii.sadudbhinnakusumai.h paa.talai"scaapi paa.talaa.h| 
SP0131142: sambabhuuvurdi"sa.h sarvaa.h pavanaakampimuurtibhi.h|| 
SP0131151: k.r.s.naa~njanaadri"s.r"ngaabhaa niilaa"sokamahiiruhaa.h| 
SP0131152: girau vav.rdhire phullaa.h spardhayeva parasparam|| 
SP0131161: ciiruvaakavighu.s.taani ki.m"sukaanaa.m vanaani ca| 
SP0131162: parvatasya nitambe.su sarve.svevaabhijaj~nire|| 
SP0131171: tamaalagulmaistasyaasiicchobhaa himavatastadaa| 
SP0131172: niilajiimuutasa.mghaatairniliinairiva sandhi.su|| 
SP0131181: nikaamapu.spai.h suvi"saala"saakhai.h samucchritai"scampakapaadapai"sca| 
SP0131182: pramattapu.mskokilasampralaapairhimaacalo .atiiva tadaa raraaja|| 
SP0131191: "srutvaa "sabda.m .rtumadakala.m sarvata.h kokilaanaa.m 
SP0131192: ca~ncatpak.saa.h sumadhuraruta.m niilaka.n.thaa vinedu.h| 
SP0131193: te.saa.m "sabdairupacitabala.h pu.spacaape.suhasta.h 
SP0131194: sajjiibhuutastrida"savanitaa veddhuma"nge.svana"nga.h|| 
SP0131201: pa.tusuuryaatapa"scaapi praaya.h so.s.najalaa"saya.h| 
SP0131202: deviivivaahasevaartha.m grii.sma aagaaddhimaacalam|| 
SP0131211: sa caapi tarubhistatra bahubhi.h kusumotkarai.h| 
SP0131212: "sobhayaamaasa "s.r"ngaa.ni praaleyaadre.h samantata.h|| 
SP0131221: tasyaapi ca .rtostatra vaayava.h sumanoharaa.h| 
SP0131222: vavu.h paa.talavistiir.nakadambaarjunagandhina.h|| 
SP0131231: vaapya.h praphullapadmaughaa.h kesaraaru.namuurtaya.h| 
SP0131232: abhava.msta.tasa.mghu.s.takalaha.msakadambakaa.h|| 
SP0131241: tathaa kuravakaa"scaapi kusumaapaa.n.dumuurtaya.h| 
SP0131242: sarve.su jaj~nu.h "s.r"nge.su bhramaraavalisevitaa.h|| 
SP0131251: bakulaa"sca nitambe.su vi"saale.su mahiibh.rta.h| 
SP0131252: utsasarjurmanoj~naani kusumaani samantata.h|| 
SP0131261: iti kusumavicitrasarvav.rk.saa vividhaviha.mgamanaadaramyade"saa.h| 
SP0131262: himagiritanayaavivaahabhuutyai .sa.dupayayur.rtavo munipraviira|| 
SP0131271: tata eva.m prav.rtte tu sarvabhuutasamaagame| 
SP0131272: naanaavaadya"sataakiir.ne brahmaa mama pitaa svayam|| 
SP0131281: "sailaputriimala.mk.rtya yogyaabhara.nasampadaa| 
SP0131282: pura.m prave"sayaamaasa svayamaadaaya lokadh.rk|| 
SP0131291: tatastu punareve"sa.m brahmaa vyaj~naapayadvibhum| 
SP0131292: havirjuhomi vahnau tu upaadhyaayapade sthita.h| 
SP0131293: dadaasi mahya.m yadyaaj~naa.m kartavyo .aya.m kriyaavidhi.h|| 
SP0131301: tamaaha "sa.mkaro deva.m devadevo jagatpati.h| 
SP0131302: yadyadi.s.ta.m sure"saana tatkuru.sva yathepsitam| 
SP0131303: kartaasmi vacana.m sarva.m brahma.mstava jagadvibho|| 
SP0131311: tata.h pra.namya h.r.s.taatmaa brahmaa lokapitaamaha.h| 
SP0131312: hasta.m devasya devyaa"sca yogabandhe yuyoja ha|| 
SP0131321: jvalana.m ca svaya.m k.rtvaa k.rtaa~njalimupasthita.m | 
SP0131322: "srutigiitairmahaamantrairmuurtimadbhirupasthitai.h|| 
SP0131331: yathoktavidhinaa hutvaa sarpistadam.rta.m ca hi| 
SP0131332: tri"sca ta.m jvalana.m deva.m kaarayitvaa pradak.si.nam|| 
SP0131341: muktvaa hastasamaayoga.m sahita.h sarvadevatai.h| 
SP0131342: sutai"sca maanasai.h sarvai.h prah.r.s.tenaantaraatmanaa| 
SP0131343: v.rtte udvaahakaale tu pra.nanaama v.r.sadhvajam|| 
SP0131351: yogenaiva tayorvyaasa tadomaaparame"sayo.h| 
SP0131352: udvaaha.h sa paro v.rtto ya.m devaa na vidu.h kvacit|| 
SP0131361: iti te sarvamaakhyaata.m svaya.mvaramida.m "subham| 
SP0131362: udvaaha"scaiva devasya "s.r.nvata.h paramaadbhutam|| 
SP0139999: iti skandapuraa.ne naama trayoda"so .adhyaaya.h||