SP0120010: sanatkumaara uvaaca| 
SP0120011: tata.h sa bhagavaandevo brahmaa taamaaha susvaram| 
SP0120012: devi yenaiva s.r.s.taasi manasaa yastvayaa v.rta.h| 
SP0120013: sa bhartaa tava deve"so bhavitaa maa tapa.h k.rthaa.h|| 
SP0120021: tata.h pradak.si.na.m k.rtvaa brahmaa vyaasa gire.h sutaam| 
SP0120022: jagaamaadar"sana.m tasyaa.h saa caapi viraraama ha|| 
SP0120031: saa devii yuktamityevamuktvaa svasyaa"sramasya ha| 
SP0120032: dvaari jaatama"soka.m vai samupaa"sritya sa.msthitaa|| 
SP0120041: athaagaaccandratilakastrida"saartiharo hara.h| 
SP0120042: vik.rta.m ruupamaasthaaya hrasvo baahuka eva ca|| 
SP0120051: vibhugnanaasiko bhuutvaa kubja.h ke"saantapi"ngala.h| 
SP0120052: uvaaca vik.rtaasya"sca devi tvaa.m varayaamyaham|| 
SP0120061: athomaa yogasa.msiddhaa j~naatvaa "sa.mkaramaagatam| 
SP0120062: antarbhaavavi"suddhaa saa kriyaanu.s.thaanalipsayaa|| 
SP0120071: tamuvaacaarghyamaanaayya madhuparke.na caiva hi| 
SP0120072: sampuujya sasukhaasiina.m braahma.na.m braahma.napriyaa|| 
SP0120080: devyuvaaca| 
SP0120081: bhagavannasvatantraasmi pitaa me .astyara.nii tathaa| 
SP0120082: tau prabhuu mama daane vai kanyaaha.m dvijapu.mgava|| 
SP0120091: gatvaa yaacasva pitara.m mama "sailendramavyayam| 
SP0120092: sa ceddadaati maa.m vipra tubhya.m tadrucita.m mama|| 
SP0120100: sanatkumaara uvaaca| 
SP0120101: tata.h sa bhagavaandevastathaiva vik.rta.h prabhu.h| 
SP0120102: uvaaca "sailaraaja.m tamumaa.m me yaccha "sailaraa.t|| 
SP0120111: sa ta.m vik.rtaruupe.na j~naatvaa rudramathaavyayam| 
SP0120112: bhiita.h "saapaacca vimanaa ida.m vacanamabraviit|| 
SP0120121: bhagavannaavamanyaami braahma.naanbhuumidaivataan| 
SP0120122: manii.sita.m tu yatpuurva.m tacch.r.nu.sva mahaatapa.h|| 
SP0120131: svaya.mvaro me duhiturbhavitaa viprapuujita.h| 
SP0120132: varayedya.m svaya.m tatra sa bhartaasyaa bhavediti|| 
SP0120140: sanatkumaara uvaaca| 
SP0120141: tacchrutvaa "sailavacana.m bhagavaangov.r.sadhvaja.h| 
SP0120142: devyaa.h samiipamaagatya idamaaha mahaamanaa.h|| 
SP0120151: devi pitraa tavaaj~napta.h svaya.mvara iti "srutam| 
SP0120152: tatra tva.m varayitrii ya.m sa te bhartaa kilaanaghe|| 
SP0120161: tadaap.rcche gami.syaami durlabhaa tva.m varaanane| 
SP0120162: ruupavanta.m samuts.rjya v.r.niithaa maad.r"sa.m katham|| 
SP0120170: sanatkumaara uvaaca| 
SP0120171: tenoktaa saa tadaa tatra bhaavayantii tadiiritam| 
SP0120172: bhaava.m ca rudranihita.m prasaada.m manasastathaa|| 
SP0120181: sampraapyovaaca deve"sa.m maa te bhuudbuddhiranyathaa| 
SP0120182: aha.m tvaa.m varayi.syaami naanyadbhuuta.m katha.mcana|| 
SP0120191: atha vaa te .asti sa.mdeho mayi vipra katha.mcana| 
SP0120192: ihaiva tvaa.m mahaabhaaga varayaami manoratham|| 
SP0120200: sanatkumaara uvaaca| 
SP0120201: g.rhiitvaa stabaka.m saa tu hastaabhyaa.m tatra sa.msthitam| 
SP0120202: skandhe "sambho.h samaadaaya devii praaha v.rto .asi me|| 
SP0120211: tata.h sa bhagavaandevastathaa devyaa v.rtastadaa| 
SP0120212: uvaaca tama"soka.m vai vaacaa sa.mjiivayanniva|| 
SP0120221: yasmaattava supu.spe.na stabakena v.rto hyaham| 
SP0120222: tasmaattva.m jarayaa tyakta.h amara.h sambhavi.syasi|| 
SP0120231: kaamaruupa.h kaamapu.spa.h kaamago dayito mama| 
SP0120232: sarvaabhara.napu.spaa.dhya.h sarvav.rk.saphalopaga.h|| 
SP0120241: sarvaannabhak.sada"scaiva am.rtasrava eva ca| 
SP0120242: sarvagandha"sca devyaastva.m bhavi.syasi d.r.dha.m priya.h| 
SP0120243: nirbhaya.h sarvaloke.su cari.syasi sunirv.rta.h|| 
SP0120251: aa"srama.m caivamatyartha.m citrakuu.teti vi"srutam| 
SP0120252: yo .abhiyaasyati pu.nyaarthii so .a"svamedhamavaapsyati| 
SP0120253: yatra tatra m.rta"scaapi brahmaloka.m gami.syati|| 
SP0120261: ya"scaatra niyamairyukta.h praa.naansamyakparityajet| 
SP0120262: sa devyaastapasaa yukto mahaaga.napatirbhavet|| 
SP0120270: sanatkumaara uvaaca| 
SP0120271: evamuktvaa tadaa deva aap.rcchya himavatsutaam| 
SP0120272: antardadhe jagatsra.s.taa sarvabhuutapa ii"svara.h|| 
SP0120281: saapi devii gate tasminbhagavatyamitaatmani| 
SP0120282: tata evonmukhii sthitvaa "silaayaa.m sa.mvive"sa ha|| 
SP0120291: unmukhii saa gate tasminmahe.svaase prajaapatau| 
SP0120292: ni"seva candrarahitaa saa babhau vimanaastadaa|| 
SP0120301: atha "su"sraava saa "sabda.m baalasyaartasya "sailajaa| 
SP0120302: sarasyudakasampuur.ne samiipe caa"sramasya ha|| 
SP0120311: sa k.rtvaa baalaruupa.m tu devadeva.h svaya.m "siva.h| 
SP0120312: krii.daaheto.h saromadhye graahagrasto .abhavattadaa|| 
SP0120321: yogamaayaamathaasthaaya prapa~ncodbhavakaara.nam| 
SP0120322: tadruupa.m saraso madhye k.rtveda.m samabhaa.sata| 
SP0120323: traatu maa.m ka"scidetyeha graahe.na h.rtacetasam|| 
SP0120331: dhikka.s.ta.m baala evaahamapraaptaarthamanoratha.h| 
SP0120332: yaasyaami nidhana.m vaktre graahasyaasya duraatmana.h|| 
SP0120341: "socaami na svaka.m deha.m graahagrasto .api du.hkhita.h| 
SP0120342: yathaa "socaami pitara.m maatara.m ca tapasviniim|| 
SP0120351: maa.m "srutvaa graahavadane praapta.m nidhanamutsukau| 
SP0120352: priyaputraavekaputrau praa.naannuuna.m vihaasyata.h|| 
SP0120360: sanatkumaara uvaaca| 
SP0120361: "srutvaa tu devii ta.m naada.m viprasyaartasya "sobhanaa| 
SP0120362: utthaaya pradrutaa tatra yatra ti.s.thatyasau dvija.h|| 
SP0120371: saapa"syadinduvadanaa baalaka.m caaruruupi.nam| 
SP0120372: graahe.na grasyamaana.m ta.m vepamaanamavasthitam|| 
SP0120381: so .api graahavara.h "sriimaand.r.s.tvaa deviimupaagataam| 
SP0120382: ta.m g.rhiitvaa druta.m yaato madhya.m sarasa eva ha|| 
SP0120391: sa k.r.syamaa.nastejasvii naadamaarta.m tadaakarot| 
SP0120392: athaaha devii du.hkhaartaa baala.m d.r.s.tvaa mahaavrataa|| 
SP0120401: graaharaaja mahaasattva baalaka.m hyekaputrakam| 
SP0120402: vis.rjaina.m mahaada.m.s.tra k.sipra.m bhiimaparaakrama|| 
SP0120410: graaha uvaaca| 
SP0120411: yo devi divase .sa.s.the prathama.m samupaiti maam| 
SP0120412: sa aahaaro mama puraa vihito lokakart.rbhi.h|| 
SP0120421: so .aya.m mama mahaabhaage .sa.s.the .ahani giriindraje| 
SP0120422: brahma.naa vihito nuuna.m naina.m mok.sye katha.mcana|| 
SP0120430: devyuvaaca| 
SP0120431: yanmayaa himavacch.r"nge carita.m tapa uttamam| 
SP0120432: tena baalamima.m mu~nca graaharaaja namo .astu te|| 
SP0120440: graaha uvaaca| 
SP0120441: maa vyaya.m tapaso devi kaar.sii.h "sailendranandane| 
SP0120442: naina.m mocayitu.m "sakto devaraajo .api sa svayam|| 
SP0120451: mahyamii"sena tu.s.tena "sarve.nogre.na "suulinaa| 
SP0120452: amaratvamavadhyatvamak.saya.m balameva ca|| 
SP0120461: svaya.mgraha.namok.sa"sca j~naana.m caivaavyaya.m puna.h| 
SP0120462: datta.m tato braviimi tvaa.m naaya.m mok.samavaapsyati|| 
SP0120471: atha vaa te k.rpaa devi bh.r"sa.m baale "subhaanane| 
SP0120472: braviimi yatkuru tathaa tato mok.samavaapsyati|| 
SP0120480: devyuvaaca| 
SP0120481: graahaadhipa vadasvaa"su yatsataamavigarhitam| 
SP0120482: tatk.rta.m naatra sa.mdeho maanyaa me braahma.naa d.r.dham|| 
SP0120490: graaha uvaaca| 
SP0120491: yatk.rta.m vai tapa.h ki.mcidbhavatyaa svalpamanta"sa.h| 
SP0120492: tatsarva.m me prayacchasva tato mok.samavaapsyati|| 
SP0120500: devyuvaaca| 
SP0120501: janmaprabh.rti yatpu.nya.m mahaagraaha k.rta.m mayaa| 
SP0120502: tatte sarva.m mayaa datta.m baala.m mu~nca mamaagrata.h|| 
SP0120510: sanatkumaara uvaaca| 
SP0120511: prajajvaala tato graahastapasaa tena b.r.mhita.h| 
SP0120512: aaditya iva madhyaahne durniriik.syastadaabhavat|| 
SP0120521: uvaaca ceda.m tu.s.taatmaa devii.m lokasya dhaari.niim| 
SP0120522: devi ki.m k.rtametatte ani"scitya mahaavrate| 
SP0120523: tapaso hyarjana.m du.hkha.m tasya tyaago na "sasyate|| 
SP0120531: g.rhaa.na tapa etacca baala.m cema.m "sucismite| 
SP0120532: tu.s.to .asmi te viprabhaktyaa vara.m tasmaaddadaami te|| 
SP0120541: saa tvevamuktaa graahe.na uvaaceda.m mahaavrataa| 
SP0120542: suni"scitya mahaagraaha k.rta.m baalasya mok.sa.nam| 
SP0120543: na viprebhyastapa.h "sre.s.tha.m "sre.s.thaa me braahma.naa mataa.h|| 
SP0120551: dattvaa caaha.m na g.rh.naami graahendra vidita.m hi te| 
SP0120552: na hi ka"scinnaro graaha pradatta.m punaraaharet|| 
SP0120561: dattametanmayaa tubhya.m naadadaani hi tatpuna.h| 
SP0120562: tvayyeva ramataametadbaala"scaaya.m vimucyataam|| 
SP0120571: tathoktastaa.m pra"sasyaatha muktvaa baala.m namasya ca| 
SP0120572: deviimaadityasadbhaasa.m tatraivaantaradhiiyata|| 
SP0120581: baalo .api sarasastiire mukto graahe.na vai tadaa| 
SP0120582: svapnalabdha ivaarthaughastatraivaantaradhiiyata|| 
SP0120591: tapaso .atha vyaya.m matvaa devii himagiriindrajaa| 
SP0120592: bhuuya eva tapa.h kartumaarebhe yatnamaasthitaa|| 
SP0120601: kartukaamaa.m tapo bhuuyo j~naatvaa taa.m "sa.mkara.h svayam| 
SP0120602: provaaca vacana.m vyaasa maa k.rthaastapa ityuta|| 
SP0120611: mahyametattapo devi tvayaa datta.m mahaavrate| 
SP0120612: tenaivamak.saya.m tubhya.m bhavi.syati sahasradhaa|| 
SP0120621: iti labdhvaa vara.m devii tapaso .ak.sayyamuttamam| 
SP0120622: svaya.mvaramudiik.santii tasthau priitimudaayutaa|| 
SP0120631: ida.m pa.thedyo hi nara.h sadaiva baalaanubhaavaacara.na.m hi "sambho.h| 
SP0120632: sa dehabheda.m samavaapya puuto bhavedga.nastasya kumaaratulya.h|| 
SP0129999: iti skandapuraa.ne dvaada"samo .adhyaaya.h||