SP0080010: vaayuruvaaca| 
SP0080011: evame.saa bhagavatii brahmalokaanusaari.nii| 
SP0080012: yu.smaaka.m dharmasiddhyartha.m vediimadhyaadvyavartata|| 
SP0080020: sanatkumaara uvaaca| 
SP0080021: eva.m te.saa.m samaapte .atha sattre var.sasahasrike| 
SP0080022: prav.rttaayaa.m sarasvatyaamagaattatra pitaamaha.h|| 
SP0080030: brahmovaaca| 
SP0080031: bhuuyo .anyena ha sattre.na yajadhva.m devamii"svaram| 
SP0080032: yadaa vo bhavitaa vighna.m tadaa ni.skalma.sa.m tapa.h|| 
SP0080041: vighna.m taccaiva sa.mtiirya tapastaptvaa ca bhaasvaram| 
SP0080042: yoga.m praapya mahadyuktaastato drak.syatha "sa.mkaram|| 
SP0080051: tathetyuktvaa gate tasminsattraa.nyaajahrire tadaa| 
SP0080052: bahuuni vividhaakaaraa.nyabhiyuktaa mahaavrataa.h|| 
SP0080061: ni.hsomaa.m p.rthivii.m k.rtvaa k.rtsnaametaa.m tato dvijaa.h| 
SP0080062: raajaana.m somamaanaayya abhi.sektumiye.sire|| 
SP0080071: atha so .api k.rtaatithya.h ad.r"syena duraatmanaa| 
SP0080072: svarbhaanunaa h.rta.h somastataste du.hkhitaabhavan|| 
SP0080081: te gatvaa munaya.h sarve kalaapagraamavaasina.h | 
SP0080082: puruuravasamaaniiya raajaana.m te .abhya.secayan|| 
SP0080091: uucu"scaina.m mahaabhaagaa h.rta.h somo hi na.h prabho| 
SP0080092: kenaapi tadbhavaank.sipramihaanayatu maa ciram|| 
SP0080101: sa evamukto m.rgayanna tamaasaadayatprabhu.h| 
SP0080102: uvaaca sa tadaa vipraanpra.namya bhayapii.dita.h|| 
SP0080111: parama.m yatnamaasthaaya mayaa somo .abhimaargita.h| 
SP0080112: na ca ta.m vedmi kenaasau kva vaa niita iti prabhu.h|| 
SP0080121: tameva.mvaadina.m kruddhaa .r.saya.h sa.m"sitavrataa.h| 
SP0080122: uucu.h sarve susa.mrabdhaa ilaaputra.m mahaamatim|| 
SP0080131: bhavaanraajaa kutastraataa k.rto .asmaabhirbhayaarditai.h| 
SP0080132: na ca nastadbhaya.m "sakto vinaa"sayitumaa"svapi|| 
SP0080141: vi.saye.svatisaktaatmaa yogaatta.m naanupa"syasi| 
SP0080142: tasmaadvirodhamaasthaaya dvijebhyo vadhamaapsyasi|| 
SP0080151: vayameva hi raajaanamaanayi.syaama durvidam| 
SP0080152: tapasaa svena raajendra pa"sya no balamuttamam|| 
SP0080161: tataste .r.saya.h sarve tapasaa dagdhakilbi.saa.h| 
SP0080162: astuvanvaagbhiri.s.taabhirgaayatrii.m vedabhaaviniim|| 
SP0080171: stuvataa.m tu tataste.saa.m gaayatrii vedabhaavinii| 
SP0080172: ruupi.nii dar"sana.m praadaaduvaaceda.m ca taandvijaan|| 
SP0080181: tu.s.taasmi vatsaa.h ki.m vo .adya karomi varadaasmi va.h| 
SP0080182: bruuta tatk.rtameveha bhavi.syati na sa.m"saya.h|| 
SP0080190: .r.saya uucu.h| 
SP0080191: somo no .apah.rto devi kenaapi suduraatmanaa| 
SP0080192: tamaanaya namaste .astu e.sa no vara uttama.h|| 
SP0080200: sanatkumaara uvaaca| 
SP0080201: saa tathoktaa vini"scitya d.r.s.tvaa divyena cak.su.saa| 
SP0080202: "syeniibhuutaa jagaamaa"su svarbhaanumasura.m prati|| 
SP0080211: vyagraa.naamasuraa.naa.m saa g.rhiitvaa somamaagataa| 
SP0080212: aagamya taan.r.siinpraaha aya.m somo .abhi.suuyataam|| 
SP0080221: te tamaasaadya .r.saya.h praapya yaj~naphala.m mahat| 
SP0080222: amanyanta tapo .asmaaka.m ni.skalma.samiti dvijaa.h|| 
SP0080231: tatastatra svaya.m brahmaa saha devoragaadibhi.h| 
SP0080232: aagatya taan.r.siinpraaha tapa.h kuruta maa ciram|| 
SP0080241: te saha brahma.naa gatvaa mainaaka.m parvatottamam| 
SP0080242: sarvairdevaga.nai.h saardha.m tapa"sceru.h samaahitaa.h|| 
SP0080251: te.saa.m kaalena mahataa tapasaa bhaavitaatmanaam| 
SP0080252: yogaprav.rttirabhavatsuuk.smayuktaastatastu te|| 
SP0080261: te yuktaa brahma.naa saardham.r.saya.h saha devatai.h| 
SP0080262: mahe"svare mana.h sthaapya ni"scalopalavatsthitaa.h|| 
SP0080271: atha te.saa.m mahaadeva.h pinaakii niilalohita.h| 
SP0080272: abhyagacchata ta.m de"sa.m vimaanenaarkatejasaa|| 
SP0080281: tadbhaavabhaavitaa~n{}j~naatvaa sadbhaavena pare.na ha| 
SP0080282: uvaaca meghanirhraada.h "satadundubhinisvana.h|| 
SP0080291: bho bho sabrahmakaa devaa.h savi.s.nu.r.sicaara.naa.h| 
SP0080292: divya.m cak.su.h prayacchaami pa"syadhva.m maa.m yathepsitam|| 
SP0080300: sanatkumaara uvaaca| 
SP0080301: apa"syanta tata.h sarve suuryaayutasamaprabham| 
SP0080302: vimaana.m merusa.mkaa"sa.m naanaaratnavibhuu.sita.m || 
SP0080311: tasya madhye .agnikuu.ta.m ca sumahaddiiptimaasthitam| 
SP0080312: jvaalaamaalaaparik.siptamarcibhirupa"sobhitam|| 
SP0080321: da.m.s.traakaraalavadana.m pradiiptaanalalocanam| 
SP0080322: tretaagnipi"ngalaja.ta.m bhujagaabaddhamekhalam|| 
SP0080331: m.r.s.taku.n.dalina.m caiva "suulaasaktamahaakaram| 
SP0080332: pinaakina.m da.n.dahasta.m mudgaraa"sanipaa.ninam|| 
SP0080341: asipa.t.tisahasta.m ca cakri.na.m cordhvamehanam| 
SP0080342: ak.sasuutrakara.m caiva du.sprek.syamak.rtaatmabhi.h| 
SP0080343: candraadityagrahai"scaiva k.rtasragupabhuu.sa.nam|| 
SP0080351: tamapa"syanta te sarve devaa divyena cak.su.saa| 
SP0080352: ya.m d.r.s.tvaa na bhavenm.rtyurmartyasyaapi kadaacana|| 
SP0080361: tapasaa viniyogayogina.h pra.namanto bhavamindunirmalam| 
SP0080362: viyatii"svaradattacak.su.sa.h saha devairmunayo mudaanvitaa.h|| 
SP0080371: prasamiik.sya mahaasure"sakaala.m manasaa caapi vicaarya durvisahyam| 
SP0080372: pra.namanti gataatmabhaavacintaa.h saha devairjagadudbhava.m stuvanta.h|| 
SP0089999: iti skandapuraa.ne a.s.tamo .adhyaaya.h||