SP0040010: sanatkumaara uvaaca| 
SP0040011: praajaapatya.m tato labdhvaa prajaa.h sra.s.tu.m pracakrame| 
SP0040012: prajaastaa.h s.rjyamaanaa"sca na vivardhanti tasya ha|| 
SP0040021: sa kurvaa.nastathaa s.r.s.ti.m "saktihiina.h pitaamaha.h| 
SP0040022: s.r.s.tyartha.m bhuuya evaatha tapa"scartu.m pracakrame|| 
SP0040031: s.r.s.tihetostapastasya j~naatvaa tribhuvane"svara.h| 
SP0040032: tejasaa jagadaavi"sya aajagaama tadantikam| 
SP0040033: sra.s.taa tasya jagannaatho .adar"sayatsvatanau jagat|| 
SP0040041: svayamaagatya deve"so mahaabhuutapatirhara.h| 
SP0040042: vyaapyeva hi jagatk.rtsna.m parame.na svatejasaa| 
SP0040043: "sambhu.h praaha vara.m vatsa yaacasveti pitaamaham|| 
SP0040051: ta.m brahmaa lokas.r.s.tyartha.m putrastva.m manasaabraviit| 
SP0040052: sa j~naatvaa tasya sa.mkalpa.m brahma.na.h parame"svara.h| 
SP0040053: muu.dho .ayamiti sa.mcintya provaaca varada.h svayam|| 
SP0040061: aagata.m pitara.m maa tva.m yasmaatputra.m samiihase| 
SP0040062: manmuurtistanayastasmaadbhavi.syati mamaaj~nayaa|| 
SP0040071: sa ca te putrataa.m yaatvaa madiiyo ga.nanaayaka.h| 
SP0040072: rudro vigrahavaanbhuutvaa muu.dha tvaa.m vinayi.syati|| 
SP0040081: sarvavidyaadhipatya.m ca yogaanaa.m caiva sarva"sa.h| 
SP0040082: balasyaadhipatitva.m ca astraa.naa.m ca prayokt.rtaa|| 
SP0040091: mayaa dattaani tasyaa"su upasthaasyanti sarva"sa.h| 
SP0040092: dhanu.h pinaaka.m "suula.m ca kha.dga.m para"sureva ca|| 
SP0040101: kama.n.dalustathaa da.n.da.h astra.m paa"supata.m tathaa| 
SP0040102: sa.mvartakaa"sani"scaiva cakra.m ca pratisargikam| 
SP0040103: eva.m sarvarddhisampanna.h sutaste sa bhavi.syati|| 
SP0040111: evamuktvaa gate tasminnantardhaana.m mahaatmani| 
SP0040112: brahmaa cakre tadaa ce.s.ti.m putrakaama.h prajaapati.h|| 
SP0040121: sa juhva~nchramasa.myukta.h pratighaatasamanvita.h| 
SP0040122: samidyuktena hastena lalaa.ta.m pramamaarja ha|| 
SP0040131: samitsa.myogajastasya svedabindurlalaa.taja.h| 
SP0040132: papaata jvalane tasmindvigu.na.m tasya tejasaa|| 
SP0040141: taddhi maahe"svara.m teja.h sa.mdhita.m brahma.ni srutam| 
SP0040142: prerita.m devadevena nipapaata havirbhuji|| 
SP0040151: k.sa.ne tasminmahe"sena sm.rtvaa ta.m varamuttamam| 
SP0040152: pre.sito ga.napo rudra.h sadya evaabhavattadaa|| 
SP0040161: tacca sa.msvedaja.m teja.h puurva.m jvalanayojitam| 
SP0040162: bhuutvaa lohitamaa"sveva punarniilamabhuuttadaa|| 
SP0040171: niilalohita ityeva tenaasaavabhavatprabhu.h| 
SP0040172: tryak.so da"sabhuja.h "sriimaanbrahmaa.na.m chaadayanniva|| 
SP0040181: "sarvaadyairnaamabhirbrahmaa tanuubhi"sca jalaadibhi.h| 
SP0040182: stutvaa ta.m sarvaga.m deva.m niilalohitamavyayam|| 
SP0040191: j~naatvaa sarvas.rja.m pa"scaanmahaabhuutaprati.s.thitam| 
SP0040192: as.rjadvividhaastvanyaa.h prajaa.h sa jagati prabhu.h|| 
SP0040201: so .api yoga.m samaasthaaya ai"svarye.na samanvita.h| 
SP0040202: lokaansarvaansamaavi"sya dhaarayaamaasa sarvadaa|| 
SP0040211: brahma.no .api tata.h putraa dak.sadharmaadaya.h "subhaa.h| 
SP0040212: as.rjanta prajaa.h sarvaa devamaanu.sasa.mkulaa.h|| 
SP0040221: atha kaalena mahataa kalpe .atiite puna.h puna.h| 
SP0040222: prajaa dhaarayato yogaadasminkalpa upasthite|| 
SP0040231: prati.s.thitaayaa.m vaarttaayaa.m prav.rtte v.r.s.tisarjane| 
SP0040232: prajaasu ca viv.rddhaasu prayaage yajata"sca ha|| 
SP0040241: brahma.na.h .sa.tkuliiyaaste .r.saya.h sa.m"sitavrataa.h| 
SP0040242: mariicayo .atraya"scaiva vasi.s.thaa.h kratavastathaa|| 
SP0040251: bh.rgavo .a"ngirasa"scaiva tapasaa dagdhakilbi.saa.h| 
SP0040252: uucurbrahmaa.namabhyetya sahitaa.h karma.no .antare|| 
SP0040261: bhagavannandhakaare.na mahataa sma.h samaav.rtaa.h| 
SP0040262: khinnaa vivadamaanaa"sca na ca pa"syaama yatparam|| 
SP0040271: eta.m na.h sa.m"saya.m deva cira.m h.rdi samaasthitam| 
SP0040272: tva.m hi vettha yathaatattva.m kaara.na.m parama.m hi na.h|| 
SP0040281: ki.m para.m sarvabhuutaanaa.m baliiya"scaapi sarvata.h| 
SP0040282: kena caadhi.s.thita.m vi"sva.m ko nitya.h ka"sca "saa"svata.h|| 
SP0040291: ka.h sra.s.taa sarvabhuutaanaa.m prak.rte"sca pravartaka.h| 
SP0040292: ko .asmaansarve.su kaarye.su prayunakti mahaamanaa.h|| 
SP0040301: kasya bhuutaani va"syaani ka.h sarvaviniyojaka.h| 
SP0040302: katha.m pa"syema ta.m caiva etanna.h "sa.msa sarva"sa.h|| 
SP0040311: evamuktastato brahmaa sarve.saameva sa.mnidhau| 
SP0040312: devaanaa.m ca .r.sii.naa.m ca gandharvoragarak.sasaam|| 
SP0040321: yak.saa.naamasuraa.naa.m ca ye ca kutra pravartakaa.h| 
SP0040322: pak.si.naa.m sapi"saacaanaa.m ye caanye tatsamiipagaa.h| 
SP0040323: utthaaya praa~njali.h praaha rudreti tri.h pluta.m vaca.h|| 
SP0040331: sa caapi tapasaa "sakyo dra.s.tu.m naanyena kenacit| 
SP0040332: sa sra.s.taa sarvabhuutaanaa.m balavaa.mstanmaya.m jagat| 
SP0040333: tasya va"syaani bhuutaani teneda.m dhaaryate jagat|| 
SP0040341: tataste sarvaloke"saa nama"scakrurmahaatmane|| 
SP0040350: .r.saya uucu.h| 
SP0040351: ki.m tanmahattapo deva yena d.r"syeta sa prabhu.h| 
SP0040352: tanno vadasva deve"sa varada.m caabhidhatsva na.h|| 
SP0040360: pitaamaha uvaaca| 
SP0040361: sattra.m mahatsamaasadhva.m vaa"nmanodo.savarjitaa.h| 
SP0040362: de"sa.m ca va.h pravak.syaami yasminde"se cari.syatha|| 
SP0040371: tato manomaya.m cakra.m sa s.r.s.tvaa taanuvaaca ha| 
SP0040372: k.siptametanmayaa cakramanuvrajata maa ciram|| 
SP0040381: yatraasya nemi.h "siiryeta sa de"sastapasa.h "subha.h| 
SP0040382: tato mumoca taccakra.m te ca tatsamanuvrajan|| 
SP0040391: tasya vai vrajata.h k.sipra.m yatra nemira"siiryata| 
SP0040392: naimi"sa.m tatsm.rta.m naamnaa pu.nya.m sarvatra puujitam|| 
SP0040401: tatpuujita.m devamanu.syasiddhai rak.sobhirugrairuragai"sca divyai.h| 
SP0040402: yak.sai.h sagandharvapi"saacasa.mghai.h sarvaapsarobhi"sca dite.h sutai"sca|| 
SP0040411: viprai"sca daantai.h "samayogayuktaistiirthai"sca sarvairapi caavaniidhrai.h| 
SP0040412: gandharvavidyaadharacaara.nai"sca saadhyai"sca vi"svai.h pit.rbhi.h stuta.m ca|| 
SP0049999: iti skandapuraa.ne caturtho .adhyaaya.h||