SP0030010: sanatkumaara uvaaca| 
SP0030011: "s.r.nu.svemaa.m kathaa.m divyaa.m sarvapaapapra.naa"saniim| 
SP0030012: kathyamaanaa.m mayaa citraa.m bahvarthaa.m "srutisa.mmitaam| 
SP0030013: yaa.m "srutvaa paapakarmaapi gacchecca paramaa.m gatim|| 
SP0030021: na naastikaa"sraddadhaane "sa.the caapi katha.mcana| 
SP0030022: imaa.m kathaamanubruuyaattathaa caasuuyake nare|| 
SP0030031: ida.m putraaya "si.syaaya dhaarmikaayaanasuuyave| 
SP0030032: kathaniiya.m mahaabrahmandevabhaktaaya vaa bhavet| 
SP0030033: kumaarabhaktaaya tathaa "sraddadhaanaaya caiva hi|| 
SP0030041: puraa brahmaa prajaadhyak.sa.h a.n.de .asminsamprasuuyate| 
SP0030042: so .aj~naanaatpitara.m brahmaa na veda tamasaav.rta.h|| 
SP0030051: ahameka iti j~naatvaa sarvaa/llokaanavaik.sata| 
SP0030052: na caapa"syata tatraanya.m tapoyogabalaanvita.h|| 
SP0030061: putra putreti caapyukto brahmaa "sarve.na dhiimataa| 
SP0030062: pra.nata.h praa~njalirbhuutvaa tameva "sara.na.m gata.h|| 
SP0030071: sa dattvaa brahma.ne "sambhu.h sra.s.t.rtva.m j~naanasa.mhitam| 
SP0030072: vibhutva.m caiva lokaanaamantardhe parame"svara.h|| 
SP0030081: tade.sopani.satproktaa mayaa vyaasa sanaatanaa| 
SP0030082: yaa.m "srutvaa yogino dhyaanaatprapadyante mahe"svaram|| 
SP0030091: brahma.m ca yo vidadhe putramagre j~naana.m ca ya.h prahi.noti sma tasmai| 
SP0030092: tamaatmastha.m ye .anupa"syanti dhiiraaste.saa.m "saanti.h "saa"svatii netare.saam|| 
SP0030101: sa vyaasa pitara.m d.r.s.tvaa svadiiptyaa parayaa yutam| 
SP0030102: putrakaama.h prajaahetostapastiivra.m cakaara ha|| 
SP0030111: mahataa yogatapasaa yuktasya sumahaatmana.h| 
SP0030112: acire.naiva kaalena pitaa sampratuto.sa ha|| 
SP0030121: dar"sana.m caagamattasya varado .asmiityuvaaca ha| 
SP0030122: sa tu.s.taava nato bhuutvaa k.rtvaa "sirasi caa~njalim|| 
SP0030131: nama.h paramadevaaya devaanaamapi vedhase| 
SP0030132: sra.s.tre vai lokatantraaya brahma.na.h pataye nama.h|| 
SP0030141: ekasmai "saktiyuktaaya a"saktirahitaaya ca| 
SP0030142: anantaayaaprameyaaya indriyaavi.sayaaya ca|| 
SP0030151: vyaapine vyaaptapuurvaaya adhi.s.thaatre pracodine| 
SP0030152: k.rtapracetanaayaiva tattvavinyaasakaari.ne|| 
SP0030161: pradhaanacodakaayaiva gu.ninaa.m "saantidaaya ca| 
SP0030162: d.r.s.tidaaya ca sarve.saa.m svaya.m vai dar"sanaaya ca|| 
SP0030171: vi.sayagraahi.ne caiva niyamasya ca kaari.ne| 
SP0030172: manasa.h kara.naanaa.m ca tatraiva niyamasya ca|| 
SP0030181: bhuutaanaa.m gu.nakartre ca "saktidaaya tathaiva ca| 
SP0030182: kartre hya.n.dasya mahya.m ca acintyaayaagrajaaya ca| 
SP0030183: aprameya pitarnitya.m priito no di"sa "sakvariim|| 
SP0030191: tasyaiva.m stuvato vyaasa devadevo mahe"svara.h| 
SP0030192: tu.s.to .abraviitsvaya.m putra.m brahmaa.na.m pra.nata.m tathaa|| 
SP0030201: yasmaatte vidita.m vatsa suuk.smametanmahaadyute| 
SP0030202: tasmaadbrahmeti loke.su naamnaa khyaati.m gami.syasi|| 
SP0030211: yasmaaccaaha.m pitetyuktastvayaa buddhimataa.m vara| 
SP0030212: tasmaatpitaamahatva.m te loke khyaati.m gami.syati|| 
SP0030221: prajaartha.m yacca te tapta.m tapa ugra.m sudu"scaram| 
SP0030222: tasmaatprajaapatitva.m te dadaani prayataatmane|| 
SP0030231: evamuktvaa sa deve"so muurtimatyo .as.rjatstriya.h| 
SP0030232: yaastaa.h prak.rtayastva.s.tau vi"se.saa"scendriyai.h saha| 
SP0030233: bhaavaa"sca sarve te devamupatasthu.h svaruupi.na.h|| 
SP0030241: taanuvaaca tato deva.h patiryukta.h svatejasaa| 
SP0030242: etamadyaabhi.seke.na sampaadayata maa ciram|| 
SP0030251: taabhi.h sva.m sva.m samaadaaya bhaava.m divyamatarkitam| 
SP0030252: abhi.sikto babhuuveti prajaapatiratidyuti.h|| 
SP0030261: tatraiva.m yogina.h suuk.sma.m d.r.s.tvaa divyena cak.su.saa| 
SP0030262: puraa.na.m yogatattvaj~naa gaayanti trigu.naanvitam|| 
SP0030271: rudra.h sra.s.taa hi sarve.saa.m bhuutaanaa.m tava ca prabho| 
SP0030272: asmaabhi"sca bhavaansaardha.m jagata.h sampravartaka.h|| 
SP0030281: sa devasto.sita.h samyakparamai"svaryayogadh.rk| 
SP0030282: brahmaa.namagraja.m putra.m praajaapatye .abhya.secayat|| 
SP0030291: ya.h k.rtvaa bahuvidhamaargayogayukta.m tattvaakhya.m jagadidamaadaraadyuyoja| 
SP0030292: devaanaa.m paramamanantayogayukta.m maayaabhistribhuvanamandhamaprasaadam|| 
SP0030301: sarve.saa.m manasi sadaavati.s.thamaano jaanaana.h "subhama"subha.m ca bhuutanaatha.h| 
SP0030302: ta.m deva.m pramathapati.m pra.namya bhaktyaa nitya.m vai "sara.namupaimi suuk.smasuuk.smam|| 
SP0039999: iti skandapuraa.ne t.rtiiyo .adhyaaya.h||